Բաղադրիչներ
- Խմորի համար՝
- ալյուր - 300 գր
- շաքարավազ - 30 գր
- խմորիչ - 12 գր թարմ կամ 4 գր չոր
- կաթի փոշի - 10 գր
- աղ - 0,5 թ/գդ
- ձու - 1 հատ
- կարագ - 20 գր
- ջուր - 130 գր (տաք)
- Կրեմի համար՝
- շաքարավազ - 50 գր
- ձու - 1 հատ
- կարագ - 10 գր
- օսլա (крахмал) եգիպտացորենի - 20 գր
- կաթ - 160 գր
- վանիլին - ըստ ճաշակի
Պատրաստման եղանակ
- Պատրաստում ենք խմորը: 130 գր տաք ջրի մեջ լուծում ենք խմորիչը: Առանձին կաթսայի մեջ խառնում ենք մյուս չոր բաղադրիչները՝ 300 գր ալյուրը, 30 գր շաքարավազը, 10 գր կաթի փոշին և աղը: Խառում ենք ջուրն ու խմորիչը, չոր բաղադրիչների խառնուրդը, ձվերը (մի քանի գդալ պետք է պահել վրան քսելու համար), 20 գր հալեցրած կարագը: Հունցում ենք խմորը, որը չպետք է կպչի ձեռքերին: Հնարավոր է ալյուրն ավելացնելու կարիք լինի:
Հունցած պատրաստի խմորը 1-2 ժամով դնում ենք տաք տեղում: Այդ ընթացքում խմորի ծավալը պետք է 2-3 անգամ մեծանա:
Պատրաստում ենք կրեմը: Կաթը տաքացնում ենք: Առանձին կաթսայի մեջ խառնում ենք ձուն, եգիպտացորենի օսլան ու 50 գր շաքարավազը: Հենց որ կաթը սկսում է եռալ, լցնում ենք խառնուրդի վրա՝ անընդհատ խառնելով: Ստացված խառնուրդը նորից լցնում ենք կաթսայի մեջ, ձեռքի հարիչով անընդհատ խառնելով եփում մինչև խտանալը: Կրակից վերցնում ենք, ավելացնում վանիլինն ու 10 գր կարագը և խառնում այնքան, մինչև կարագը լուծվի: Կրեմը ծածկում ենք սննդային թաղանթով այնպես, որ այն կիպ հպվի կրեմին: Կրեմը լավ հովացնում ենք:
- 2 ժամ անց խմորը բաժանում ենք 10 միանման կտորի, յուրաքանչյուր կտորը գրտնակում այնպես, որ մոտ 20 սմ երկարությամբ շերտ ստացվի: Յուրաքանչյուր շերտի վրա կրեմ ենք քսում ու գլանաձև փաթաթում: 4-5 ճ/գդ կրեմ թողնում ենք վերջում զարդարելու համար:
- 20 x 30 սմ չափսի ձևամանը տաքացում ենք, ձիթայուղում կամ յուղաթուղթ փռում: Գլանները կողք-կողքի շարում ենք, երեսին ձու քսում և թողնում կես ժամ, որպեսզի մի քիչ մեծանան: Մի կողմ դրած կրեմը լցնում ենք խոհարարական պարկի մեջ ու վրան նախշեր անում:
- Ջեռոցը 180 աստիճան տաքացնում ենք, բուլկիները թխում 25-30 րոպե՝ մինչև վարդագույն դառնալը: Թեթեևակի հովացնում ենք ու մատուցում:
- Ահա և վերջ:
Շատ համեղ բուլկիներ են ստացվում, որոնք հարմար են հատկապես ետճաշիկի կամ սուրճի ընդմիջման համար:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
