Բերանում հալչող խաչապուրի՝ սուլուգունի պանրի միջուկով

Բաղադրիչներ

Խմորի համար՝
ալյուր - 1կգ
կարագ - 150գր
ձու - 1 հատ
կաթ - 700մլ + 2ճ/գդ
շաքարավազ - 1ճ/գդ
խմորիչ - 1 տուփ (11գր)
Միջուկի համար՝
պանիր սուլուգունի - 1կգ
Վրան քսելու համար՝
ձու - 1 հատ
թթվասեր - ըստ ճաշակի

Պատրաստման եղանակ

Բաղադրիչները նախատեսված են 4 հատ խաչապուրի պատրաստելու համար:
Խմորիչը բացել ըստ տուփի վրա նշված եղանակի, ավելացնել 1ճ/գդ շաքարավազը և 2ճ/գդ կաթը, խառնել: Ալյուրը լցնել մեծ ամանի մեջ, արանքում փոս բացել, այնտեղ կոտրել 1 ձուն, ապա լցնել խմորիչով զանգվածը, կտրատված կարագը և կաթը: Լավ խառնել և հունցել խմորը այնքան, մինչև որ այն չկպչի ձեռքերին: Պատրաստի խմորը թողնել տաք տեղում 3 ժամ:
Խոշոր քերիչով անցկացնել սուլուգունի պանիրը: Բաժանել պանիրը 4 հավասար մասի՝ 250-ական գրամ:
Խմորից անջատել նրա 1/4-րդ մասը, ապա կլոր բացել 0,5սմ-ից ոչ հաստ շերտով, մեջտեղում դնել պանրի առանձնացված 1-ին մասի 220գր-ը (պանրի և խմորի զանգվածը պետք է լինեն համարյա հավասար):
Այնուհետև կողքերից հավաքել խմորի շերտերը և միացնել իրար այնպես, որ պանիրը մնա խմորի մեջ:
Շրջել խմորը, որպեսզի միացման գիծը հայտնվի տակի հավածում, ապա գրտնակել խմորը բավականին բարակ շերտով:
Խմորի վրա անցքեր անել, որպեսզի եփվելուց օդը դուրս գա, և խաչապուրին չուռչի: 1 հատ ձուն հարել մի քիչ թթվասերի հետ, ապա քսել խմորի վրա:
Խաչապուրիի վրա շաղ տալ մնացած 30գր պանիրը:
Ջեռոցի տապակի վրա մի քիչ ալյուր շաղ տալ, վրան դնել խաչապուրին:
Թխել ջեռոցում 6-7 րոպե 210 աստիճանում:
Նույնը կատարել խմորի և պանրի մնացած մասի հետ՝ պատրաստելով մնացած 3 խաչապուրին: