Պարֆյումեր. մի մարդասպանի պատմությունը՝ 2006 թ. նկարահանված գերմանական թրիլեր՝ Պատրիկ Զյուսքինդի «Պարֆյումեր. մի մարդասպանի պատմությունը» վեպի հիման վրա։ Ֆիլմի բյուջեն 50 միլիոն եվրո է, և այն համարվում է գերմանական ամենաթանկ ֆիմը։
Ֆիլմի ամենահայտնի տեսարանները նկարահանվել են Բարսելոնայում:
Առաջարկում եմ ճանաչել Բարսելոնան ֆիլմի տեսարաններով:
Ձկան շուկան, որտեղ ծնվեց Ժան-Բատիստ Գրենույը, նկարահանվել է Բարսելոնայի կենտրոնում գտնվող Լա Մերսե հրապարակում
Փողոցը, որտեղ Գրենույը բացահայտում է բույրերի աշխարհը, նկարահանվել է Ֆերրան փողոցում: Նկարահանումներն անցկացրել են առավոտյան 6:30, երբ փողոցը դեռ լի չէր մարդկանցով:
Պարֆյումեր Պելիսեի կրպակն իրականում Թագավորական հրապարակում գտնվող «Herboristeria del Rei» խանութն է։
Առաջին սպանության վայրը Սան-Ֆիլիպպո-Ների հրապարակն է։
Եկեղեցին, որտեղ հոգևորականը գտնում է աղջկա դին` Սուրբ Ժուստի և Սուրբ Պաստորի մայր տաճարն է։ (Cathédrale Saint-Just et Saint-Pasteur):
Լաբիրինթը, որտեղ մարդասպանը սպասում էր Լաուրային, «Օրտա» լաբիրինթ-այգին է:
