Կարեն Կարապետյանի հետ պատգամավորների երեկվա հարց ու պատասխանից մի բան հասկացա՝ այս կառավարությունը ևս շարունակելու է անհասցե, ընդհանուր ու լղոզված հայտարարությունները՝ առանց այս կամ այն ոլորտի բարելավման համար որոշակի կոնկրետության և քայլերի հերթականության պատկերացման։ Աժ-ում բազմիցս նոր վարչապետի նկատմամբ նշվել են մոնոպոլիստները, իսկ վարչապետն ասում է, որ իրենք խաղի նոր կանոններ են ստեղծելու բոլորի համար, իսկ մի՞թե մեր լավ «մենեջեր» վարչապետը չգիտի, որ դաշտում բոլորի համար հավասար խաղի կանոններ ունենալու համար հարկավոր է սկսել այդ խաղի կանոններին չենթարկվող և մյուսներին ճնշող մոնոպոլիստներին սանձահարելուց, թե չէ Կարեն Կարապետյանից առաջ էլ օրենսդրական դաշտը թեկուզ իր ինչ-ինչ բացերով ստեղծում է այս հավասարությունը, գործնականում է, որ դրանք չեն կիրառվում։ Այսինքն՝ ի՞նչ բարեփոխման և բաց դաշտի մասին է խոսում վարչապետը, եթե «իրեն չի հետաքրքրում», թե այս մոնոպոլիաները ինչ արատավոր միջավայրում են առաջացել և խեղդել փոքր ու միջին բիզնեսը Հայաստանում։
Վարչապետին ոչինչ չի հետաքրքրում, սա չի հետաքրքրում, նա չի հետաքրքրում, լավ, բա ի՞նչ է այս մարդը գլուխներս տանում իր չլինող բարեփոխումներով։
Նյութի աղբյուր՝ https://www.facebook.com/karen.hambardzumyan.3910/posts/183618292045238?notif_t=close_friend_activity¬if_id=1477024562445586
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
