Թուրքիայի խորհրդարանի հայ պատգամավորը ԶԼՄ-ների վերաբերյալ որոշման հարցով պատրաստվում է դատարան դիմել

Tert.am-ը գրում է.

Թուրքիայի ընդդիմադիր Ժողովրդահանրապետական կուսակցության անդամ, խորհրդարանի հայազգի պատգամավոր Սելինա Դողանը քննադատել է կառավարության որոշումը, ըստ որի Թուրքիայում գործող և բացի թուրքերենից այլ լեզուներով հրատարակվող ԶԼՄ-ները զրկվելու են պետական աջակցությունից: Այս մասին գրում է թուրքական gercekgundem.com կայքը:

Ըստ նոր օրենքի` այլալեզու թերթերն այլևս իրավունք չեն ունենա պետական կառույցների կողմից տրամադրվող հայտարարություններն և ծանուցումները հրապարակելու: 

Սելինա Դողանը նշել է, որ այս որոշման հետևանքով ամենաշատը կտուժեն հենց ազգային և կրոնական փոքրամասնությունների համայնքային ԶԼՄ-ները, որոնց թվում են նաև մի շարք հայկական թերթեր: 

Հայազգի պատգամավորը հայտարարել է, որ նա պայքարելու է այս որոշման կասեցման համար և դիմելու է դատարան: