Tert.am-ը գրում է.
ԼՂ նախագահի մամուլի խոսնակ Դավիթ Բաբայանն անտրամաբանական, ոչ տեղին, ոչ իրատեսական ու ոչ ողջամիտ է համարում Ադրբեջանի նախագահի վերջին հայտարարությունը, թե Լեռնային Ղարաբաղը կարող է լինել ինքնավար հանրապետություն` որպես կարգավորման հարցում փոխզիջում:
«Վկան Նախիջևանն է, որը 70 տարի ունեցել է ինքնավարություն ու որտեղ Բաքուն սպիտակ ցեղասպանություն է իրականացրել: Եվ վկան հենց նախկին ԼՂԻՄ-ն է, որտեղ իրականացվել են ճնշումներ, էթնիկ հայության դեմոգրաֆիկ փոփոխությունների, սրբագրումների փորձեր և, ի վերջո, Հյուսիսային Արցախի հայաթափում ու ԼՂ դեմ լայնածավալ պատերազմ»,– Tert.am-ի հետ զրույցում ասաց Դավիթ Բաբայանը՝ հավելելով. «Սա ևս մեկ անգամ ցույց է տալիս, որ պաշտոնական Բաքուն պատրաստ չէ համապարփակ կարգավորման. ի՞նչ է նշանակում ինքնավարություն` մենք ինքնավարության կարգավիճակ ունեինք 70 տարի: Նախիջևանն էլ 70 տարի … ի՞նչ է եղել վերջում: Սպիտակ ցեղասպանություն է իրականացվել այնտեղ, ողջ հայությանը քշել են այնտեղից »:
Հիշեցնենք, որ Ադրբեջանի նախագահը «Россия сегодня»-ին տված հարցազրույցում հայտնել էր, որ Լեռնային Ղարաբաղը կարող է լինել ինքնավար հանրապետություն` որպես կարգավորման հարցում փոխզիջում:
Ամբողջական հոդվածը կարող եք կարդալ այստեղ
