Tert.am-ը գրում է.
Թուրքիայի Յոզղատի նահանգի Սարըքայա շրջանի գյուղերից մեկում գտնվող հայկական եկեղեցու մաքրությանը հետևում է տեղի թուրք հոգևորականներից մեկը` Մեթին Հալըջըն, գրում է թուրքական «Հյուրիյեթ» թերթը:
Նշվում է,որ մինչև 1960-ական թթ.-ը Սարըքայա շրջանում դեռևս գոյատևել են մի շարք հայկական ընտանիքներ, որոնք հետագայում արտագաղթել են հիմնականում Արգենտինա, ԱՄՆ, Ստամբուլ և Թուրքիայի արևմուտքում գտնվող մի շարք քաղաքներ: Նրանց ժառանգները տարվա մեջ մի քանի անգամ այցելում են Սարըքայայում գտնվող պատմական հայկական եկեղեցին:
Յոզղատի նահանգում և Արևմտյան Հայաստանի մի շարք շրջաններում մեծ տարածում ունի գանձագողների խնդիրը, որի հետևանքով տեղի բնակչության ձեռքերով ավերվում և ոչնչացվում են հայկական բազմաթիվ եկեղեցիներ ու գերեզմանատներ:
Մինչդեռ Սարըքայայի իմամ Մեթին Հալըջըն հակառակ այս ամենի որոշել է ոչ միայն չվնասել հայկական եկեղեցին, այլև լրջորեն զբաղվում է դրա պահպանությամբ` շարժելով տեղի բնակչության ու թուրքական ԶԼՄ-ների զարմանքը:
Հալըջըն պարբերաբար գալիս և հետևում է եկեղեցու մաքրությանը, իր իսկ խոսքով` նրա կինն ու երեխաները նույնպես սկզբում շատ են զարմացել, սակայն ժամանակի հետ իրենք էլ սովորել են նույն կերպ վարվել:
Նյութի շարունակությունը կարող եք կարդալ այստեղ:
