Հայկական կոշիկի խանութ՝ Իրանում
Ներդրումային դաշտը խթանելու նպատակով պետությունները հաճախ մասնակցում են ցուցահանդեսների, էքսպոների կամ իրենք են հանդես գալիս կազմակերպչի դերում:
Օրերս Իրանի մայրաքաղաք Թեհրանում տեղի էր ունեցել
«Armenia Expo 2016» հայկական արտադրանքի և ծառայությունների ցուցահանդեսը: Այն նշանավորվեց ընկերությունների միջև մի շարք պայմանավորվածություններով:
Կառավարության կողմից արտահանմանն ուղղված այս տարվա միջոցառումների շրջանակներում ցուցահանդեսին մասնակցել են տնտեսության գրեթե բոլոր ճյուղերը ներկայացնող 103 հայկական ընկերություններ: Հիշեցնեմ, որ նախապես դրանց թիվը չպետք է գերազանցեր 80-ը:
Բանակցությունները հիմնականում ծավալվել են օպտիկական սարքավորումների, կոշիկների, ոչ ալկոհոլային խմիչքների և շինանյութերի արտահանման շրջանակներում:
Ցուցահանդեսն արդեն իսկ տվել է իր առաջին «պտուղները»: Իրանում բացվելու է հայկական կոշիկի ֆիրմային խանութ: Առկա են նաև պայմանավորվածություններ բանկային ոլորտում:
