www.psyhelp.am և www.psyarmenia.com -ից

Քսաներորդ դարի սկզբին մի շոտլանդացի ֆերմեր տուն էր վերադառնում ճահճի կողքով: Մեկ էլ նա օգնության կանչ լսեց: Ֆերմերը շտապեց օգնության և տեսավ մի տղայի, ով մխրճվում էր ճահճի մեջ:

Տղան փորձում էր դուրս պրծնել ճահճից, սակայն նա ցանկացած շարժման հետ ավելի ու ավելի էր ընկղմվում: Նա գոռում էր հուսահատությունից և վախից: Ֆերմերը արագ մի հաստ ու երկար փայտ գտավ, զգուշորեն մոտեցավ և մեկնեց այդ փրկարար փայտը խեղդվողին: Տղան, ամուր բռնվելով այդ փայտից, դուրս պրծավ ճահճի ճիրաններից: Նա ամբողջ մարմնով դողում էր և երկար ժամանակ չեր կարողանում զսպել արցունքները, սակայն տեղի էր ունեցել ամենակարևորը՝ նա փրկված էր:

— Արի գնանք մեր տուն, — առաջարկեց նրան ֆերմերը, — կհանգստանաս, կչորանաս ու կտաքանաս:

— Ոչ, ոչ, — տղան տարուբերեց գլուխը, — ինձ հայրս է սպասում: Նա երևի շատ է անհանգստանում:

Շնորհակալ հայացքով նայելով իր փրկիչի աչքերի մեջ՝ տղան վազելով գնաց... 

Առավոտյան ֆերմերը տեսավ, որ իր տանն է մոտենում մի հարուստ կառք, որին լծված էին շքեղ, զտարյուն ձիեր: Կառքից իջավ մի հարուստ հագնված ջենտլմեն և հարցրեց.

— Այդ Դու՞ք եք երեկ փրկել իմ որդու կյանքը:

— Այո՛, ես, — պատասխանեց ֆերմերը:

— Ինչքա՞ն եմ ես Ձեզ պարտք:

— Խնդրում եմ, մի նեղացրեք ինձ, պարոն: Դուք ինձ ոչինչ էլ պարտք չեք, որովհետև ես արել եմ այն, ինչ կաներ ցանկացած նորմալ մարդ:

— Ո՛չ, ես դա այսպես չեմ կարող թողնել: Իմ որդին ինձ համար անչափ թանկ է: Ցանկացած գումար անվանեք, — պնդում էր պարոնը:

— Ես այլևս չեմ ուզում խոսել այդ թեմայով: Ցտեսություն, — Ֆերմերը շրջվեց, որ հեռանա: Այդ պահին նրա որդին դուրս թռավ տանից: 

— Ձեր որդի՞ն է, — հարցրեց հարուստ հյուրը:

— Այո՛, — հպարտությամբ պատասխանեց ֆերմերը՝ շոյելով իր որդու գլուխը:

— Եկեք այսպես անենք: Ես կվերցնեմ Ձեր տղային ինձ հետ՝ Լոնդոն և կհոգամ նրա ուսման բոլոր ծախսերը: Եթե նա իր հոր նման վեհանձն անձնավորություն է, ապա ո՛չ Դուք, ո՛չ էլ ես չենք ափսոսա մեր այս որոշման մասին:

Անցան տարիներ: Ֆերմերի տղան ավարտեց դպրոցը, հետո բժշկական համալսարանը և շուտով նրա անունը հայտնի դարձավ ամբողջ աշխարհում, որպես պենիցիլինը հայտնագործողի: Նրա անունն էր Ալեքսանդր Ֆլեմմինգ:

Անմիջապես պատերազմից առաջ լոնդոնյան հարուստ կլինիկաներից մեկը ընդունվեց այն հարուստ ջենտլմենի տղան՝ թոքերի բորբոքման ծանր ձևով: Եվ ի՞նչ եք կարծում, ի՞նչը փրկեց նրա կյանքը այս անգամ: Համաձայն լեգենդի՝ դա պենիցիլինն էր, ինչը հայտնագործել էր Ալեքսանդր Ֆլեմմինգը:

Ֆլեմմինգին կրթություն տված այդ հարուստ ջենտլմենի անունը Ռանդոլֆ Չերչիլ էր: Նրա որդու անունն էր Ուինսթոն Չերչիլ, ով հետագայում ստանձնեց Անգլիայի պրեմիեր-մինիստրի պաշտոնը:

Ուինսթոն Չերչիլը ինչ-որ առիթով ասել է. «Արածդ կվերադառնա»: 

Ռաֆալ Օլբիսնկի «am-Ryszard Horowitz Rafal Olbinski Portrait»

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել