Իրանական IRNA լրատվական գործակալության փոխանցմամբ՝ Իրանի փոխնախագահ, Ատոմային էներգիայի կազմակերպության ղեկավար Ալի Աքբար Սալեհին հայտարարել է, որ Իրանը Ռուսաստանին ու ԱՄՆ-ին վաճառել է 70 տոննա ծանր ջուր:
Նրա խոսքով՝ տվյալ հարցի շուրջ բանակցություններ են տարվում նաև այլ երկրների հետ: Սալեհին հաստատել է «Ռոսատոմ» պետական կորպորացիայի գլխավոր տնօրեն Սերգեյ Կիրիենկոյի այն հայտարարությունը, որ Իրանը Ռուսաստանին վաճառել է 38 տոննա ծանր ջուր՝ հավելելով, որ մատակարարումներն ավարտվել են 7-8 օր առաջ:
Սալեհին Իրանի համար ձեռքբերում է անվանել այն, որ նա միջուկային գործարքին հաջորդած ընդամենը 8 ամսում 70 տոննա ծանր ջուր է վաճառել Ռուսաստանին ու ԱՄՆ-ին, և որ իրանական ծանր ջրով հետաքրքրվում են նաև այլ երկրները և մասնավորապես եվրոպական երկրները, որոնց հետ բանակցությունները շարունակվում են:
