ԱՄՆ-ում 20 տարվա ազատազրկման է դատապարտվել ցանցահեն Արդիտ Ֆերիզին Կոսովոյից, որը մեղադրվում է ԴԱԻՇ-ին մեղսակցելու համար։ Այս մասին ասվում է ԱՄՆ արդարադատության նախարարության կայքում։

Ֆերիզին ձերբակալվել էր Մալայզիայում 2015 թվականի հոկտեմբերին՝ ամերիկյան ընկերություններից մեկի կայքի կոտրման կասկածանքով, ինչի արդյունքում ստացել էր տվյալներ 1300 քաղաքացիական և զինվորական անձանց մասին։ Այդ մարդիկ ներառվել էին ահաբեկիչների գնդակահարման ցուցակներում։ Հունիսին ամբաստանյալը ճանաչել էր իր մեղքը։

Ամերիկյան օրենքներով՝ նման հանցագործությունների համար առավելագույն պատժաժամկետը 35 տարի է։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել