Картинки по запросу մթերքներՕգտագործեք տարբեր գույնի մթերքներ.

Գիտնականների երկար տարիների ուսումնասիրությունները ցույց են տվել, որ տարբեր գույնի միրգ և բանջարեղեն օգտագործելով` կարելի է խուսափել լուրջ հիվանդություններից: Յուրաքանչյուր գույն ունի օգտակար նյութերի իր պաշարը:

Լուրջ հիվանդություններից խուսափելու համար հարկ է ամեն օր տարբեր գույնի հինգ միրգ կամ բանջարեղեն օգտագործել:

Կարմիր

Պղպեղը երեք անգամ ավելի շատ է պարունակում վիտամին C, քան նարինջը, բացի այդ՝ ունի բետա-կարոտին և բիոֆլավոնոիդներ, որոնք հակազդում են վնասակար նյութերին:

Ազնվամորին պարունակում է մեծ քանակությամբ վիտամին C ու E, և շատ արդյունավետ է սակավարյունության դեմ:

Բազուկը խթանում է լյարդի աշխատանքը և մաքրում շլակներից: Բազուկի հյութը բուժում է ստամոքսի և տասներկումատնյա աղիքի խոցը:

Բալն օգնում է պահպանել թթվայնության ցածր մակարդակը և մաքրում է երիկամները, օգտակար է սակավարյունության և արթրիտի դեպքում:

Լոլիկն ամրացնում է իմունիտետը, լավացնում շագանակագեղձի աշխատանքը:

Խաղողը և ելակը լավ միջոց են ուռուցքային հիվանդությունների դեմ:

Խնձորը մաքրում է անոթները:

Կարմիր լոբին նվազեցնում է խոլեսթերինի մակարդակը և մարսողական համակարգը մաքրում է շլակներից:

Նարնջագույն

Նարինջը երիտասարդեցնում է մաշկը, պայքարում քաղցկեղային ուռուցքների դեմ, կարգավորում է ճնշումը:

Գազարն օգտակար է սրտի և երիկամների համար, առողջացնում է մաշկը և լավացնում տեսողությունը:

Դեղին

Կիտրոնը հիանալի հակասեպտիկ է և արդյունավետ միջոց է մրսածության դեմ: Ամրացնում է ստամոքսի պատերը և նպաստում մարսողությանը:

Բանանը կարող է բարձրացնել տրամադրությունը:

Եգիպտացորենը կանխարգելիչ միջոց է քաղցկեցի դեմ, կանխում է սրտանոթային հիվանդությունները և լավացնում տեսողությունը:

Կանաչ

Կաղամբն արդյունավետ է արգանդի քաղցկեղի ժամանակ: Թթու դրած վիճակում այն պահպանում է բոլոր օգտակար հատկությունները:

Սպանախն օգտակար է ատամների և լնդերի համար, օրգանիզմից դուրս է բերում շլակները:

Սիսեռը նվազեցնում է ուռուցքային հիվանդությունների, ինֆարկտի, հիպերտոնիայի ռիսկը և դանդաղեցնում ծերացումը:

Մանուշակագույն

Սմբուկը լավացնում է անոթների աշխատանքը և ուղեղում արյան շրջանառությունը:

Սև

Հավամրգին արդյունավետ է աղեստամոքսային համակարգի և տեսողության համար:

Սև հաղարջն օգտակար է աղեստամոքսային համակարգի, մրսածության, աթերոսկլերոզի, սակավարյունության և լյարդի հիվանդությունների ժամանակ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել