Image resultԻրանական Press.tv հեռուստաալիքի փոխանցմամբ՝ Իրանի ՀՕՊ-ի միացյալ ուժերի հրամանատար, բրիգադի գեներալ Ֆարզադ Իզմաիլին հայտարարել է, որ իրեն ենթակա ուժերը հայտնաբերել և ստիպել են հեռանալ ամերիկյան U2 հետախուզական ինքնաթիռին՝ օդաչուին ստիպելով հրաժարվել Իրանի օդային տիրույթ ներթափանցելուց։

Իրանցի զորահրամանատարը սակայն չի մանրամասնել միջադեպի վայրն ու մանրամասները։ U2/TR-1 տիպի ինքնաթիռները հետախուզական նպատակներով ԱՄՆ-ում օգտագործվում են 1950-ական թվականներից, այդ թվում նաև Սառը պատերազմի ժամանակ։

Դրանք կարող են վեր բարձրանալ առավելագույնը մինչև 20.000 մետր, իսկ թռիչքի տևողությունը կազմում է ավելի քան 10 ժամ՝ արդիականացված տարբերակով։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել