Աշխարհի հնագույն գինեգործարանն այստեղ է գտնվում
Հնագետները հենց այսպես են պնդում: 2011 թ. նրանք վերջապես պարզեցին, թե որն է աշխարհում ամենահին գինեգործարանը: Այն գտնվում է Արենի գյուղի մոտ գտնվող մի քարայրում:
Առաջին ազգն է եղել, որ ընդունել է քրիստոնեությունը
Քրիստոնեությունը նախկին Հայկական թագավորությունում տարածվեց անմիջապես Հիսուսի մահից հետո, սակայն պաշտոնական կրոն հռչակվեց միայն 4-րդ դարում: Բայց, միևնույն է, այն առաջինն էր ողջ պատմության մեջ:
… և այն ունի եկեղեցիներ, որոնք ապացուցում են այդ փաստը
Հազարամյա վանքերից մինչև փլատակված տաճարներ։ Հայաստանը լի է քրիստոնեական պաշտամունքային վայրերով: Իզուր չէ Հայաստանն անվանվել «եկեղեցիների երկիր»: Անհնար է առանձնացնել լավագույն եկեղեցին Հայաստանում, սակայն մեր ամենասիրելիներից մեկը Տաթևի վանքն է՝ ապշեցուցիչ մի կառույց հավերժ գեղեցիկ տարածքում:
Շախմատն ուսումնական ծրագրի մաս է կազմում
Հենց սրանով է բացատրվում այն փաստը, որ հայերն արտակարգ են շախմատ խաղում: Սովետական Միությունից դուրս գալուց հետո Հայաստանն այս սպորտաձևում դարձավ աշխարհում լավագույններից մեկը: Տղամարդկանց թիմը հաղթել է Եվրոպայի թիմային առաջնությունում (1999), Աշխարհի թիմային առաջնությունում (2011) և Շախմատի օլիմպիադայում (2006, 2008, 2012), իսկ կանանց թիմը փայլել է Եվրոպայի առաջնությունում (2003):
1,5 միլիոն մարդ է զոհվել Մեծ եղեռնի ժամանակ
1915 թ. Օսմանյան կառավարությունը կազմակերպեց 1,5 միլիոն հայերի համակարգված բնաջնջում, որը կոչվում է Հայոց Մեծ եղեռն: Օսմանյան կայսրության իրավահաջորդ Թուրքիան ժխտում է դրա՝ ցեղասպանություն լինելը, սակայն 28 այլ պետությունների կառավարություններ, ինչպիսիք են Բրիտանիան, Ռուսաստանը և Ֆրանսիան, միանշանակորեն ճանաչում են ցեղասպանությունը:
Հայկական սփյուռքում ավելի շատ մարդ է բնակվում, քան հենց Հայաստանում
1915 թ. դեպքերը ստիպեցին միլիոնավոր հայերի արտագաղթել երկրից: Նրանք ամուր համայնքներ ստեղծեցին ԱՄՆ-ում, Ռուսաստանում և Ֆրանսիայում: Շուրջ 5,6 միլիոն հայ բնակվում է արտասահմանում, ինչը գերազանցում է Հայաստանում ապրող հայերի թվին (3 միլիոն):
Այն ծնունդ է տվել մեծ աստղերի
Հայաստանը հանրահայտ Շեռի, Անդրե Աղասիի, Սերժ Թանկյանի նախնիների տունն է եղել: Այն նաև մասամբ «պատասխանատու» է Քարդաշյան ընտանիքի համար։ Նրանց հայր Ռոբերտ Քարդաշյանը հայ է եղել:
Հայերը վստահությամբ ասում են, որ գիտեն, թե որտեղ է գտնվում Նոյի տապանը
Հայերը հավատացած են, որ Նոյի տապանը կանգ է առել Արարատ լեռան սառցե գագաթին: Բազմաթիվ արշավներից հետո անգամ այն այդպես էլ չի գտնվել, սակայն, միևնույն է, բոլորն առ այսօր նույն հավատքով են: Տապանը պատկերված է երկրի զինանշանի վրա:
Ազգային խորհրդանիշը գտնվում է Թուրքիայի տարածքում
Ձյունապատ Արարատը Հայաստանի ազգային խորհրդանշանն է, որը սուրբ է համարվում: Հայկական գրականության և արվեստի մեջ ամենատարածված խորհրդանիշն է Արարատը, որը, սակայն, գտնվում է Թուրքիայի տարածքում: Սա միշտ այսպես չի եղել։ Սուրբ լեռը փոխանցվել է Հայկական թագավորության, Պարսկաստանի, Ռուսաստանի և Թուրքիայի մեջ:
Այն ունի աշխարհում ամենահին մայրաքաղաքներից մեկը
Հայաստանի Հանրապետության մայրաքաղաքը՝ Երևանը, աշխարհի հնագույն քաղաքներից մեկն է, որը նախագծվել է Հռոմից դեռևս 29 տարի առաջ: Այն ունի պատմական շատ կառույցներ, բազմաթիվ հրաշալի թանգարաններ և, իհարկե, այստեղից երևում է Արարատ լեռը:
Երևանը նաև անվանում են վարդագույն մայրաքաղաք
Երևանն իր վարդագույն երանգը ստանում է վարդագույն տուֆից, որից էլ կառուցված են քաղաքի շենքերի մեծամասնությունը:
Չերչիլը ճաշակել է հայկական կոնյակ
Երկրորդ համաշխարհային պատերազմի ժամանակ Իոսիֆ Ստալինը հայկական կոնյակի տասնյակ տեսակներ էր ուղարկում Ուինսթոն Չերչիլին, ով էլ դրանք մեծ հաճույքով էր ճաշակում: Կոնյակի հանդեպ նա իր սերը չէր թաքցնում: Ըստ իրեն՝ նա 71 տարեկանում արդեն այնքան կոնյակ էր խմել, որ երեք երկաթուղային վագոն կլցնեին դրանով:
Այստեղ է գտնվում աշխարհում ամենաերկար ճոպանուղին
Ըստ Գինեսի ռեկորդների գրքի՝ ամենաերկար, երկկողմանի ու առանց դադարի ճոպանուղին գտնվում է Տաթևում, ունի 5,752մ երկարություն: Ճոպանուղին միացնում է Հալիձոր գյուղը Տաթևի վանքի հետ և վերևից անկրկնելի տեսարան է բացում դեպի Որոտան գետը:
Այն տեխնիկական պատերազմի մեջ է
Հայաստանի և հարևան Ադրբեջանի հարաբերությունները երկար ժամանակ այնքան էլ լավ չեն եղել և դրանց միջև պատերազմը տեխնիկապես շարունակվում է մինչ օրս: Խնդիրը Լեռնային Ղարաբաղն է՝ Ադրբեջանի հարավարևմտյան հատվածում գտնվող տարածք, որը բնակեցված է էթնիկ հայերով: Ըստ հայերի՝ այն բաժանվել է Ադրբեջանից 1994 թ.՝ երկու երկրների միջև արյունալի պատերազմից հետո: Ռուսաստանի միջնորդությամբ հրադադարի ռեժիմ է հայտարարվել 1994 թ., սակայն այս տարի թարմ կռիվներ եղան:
Կարող եք դահուկներ քշել այստեղ
Դահուկասպորտի գլխավոր կենտրոնը Ծաղկաձորն է, որն ունի 27կմ երկարություն ունեցող զառիթափեր, նաև 6 վերելակներ՝ գագաթ բարձրանալու համար: Պատրաստ եղեք վճարել 8500 ՀՀ դրամ՝ մեկօրյա դահուկասպորտի համար:
Հայ ժողովուրդը քարի պես ամուր է
Հայաստանը Ռիոյի օլիմպիական խաղերի ժամանակ շահեց մեկ ոսկե և երեք արծաթե մեդալներ, որոնցից բոլորը ծանրամարտից կամ ըմբշամարտից էին: Այսքանը երևի թե բավական է նկարագրելու համար:
Նրանք շատ են սիրում Շակիրային
Շատ հայեր ուրախ էին լսել Շակիրայի յուրօրինակ ձայնը, երբ նա համերգ տվեց հարևան Ադրբեջանում: Կոլումբացի երգչուհին այդ ժամանակ դուրս եկավ բեմ՝ իր ազգային դրոշը հակառակ պահած: Այսինքն՝ այն ուներ Հայաստանի դրոշի տեսքը:
Հայկական հացը ցուցակագրված է ՅՈՒՆԵՍԿՕ-ում
Ճաշի սեղանն անհնար է պատկերացնել առանց լավաշի մեծ կտորների: Լավաշը տափակ հաց է, որը հայկական խոհանոցի զարդն է համարվում: Սա այնքան կարևոր ուտելիք է համարվել, որ հայտնվել է ՅՈՒՆԵՍԿՕ-ի «Ոչ նյութական մշակութային ժառանգությունների» ցանկում:
Այստեղ է գտնվում Կովկասի ամենամեծ լիճը
Ինչպիսի՜ գեղեցկություն: Սևանա լիճը, որը ծածկում է ՀՀ տարածքի 1/6-ը, շրջապատված է Գեղամա լեռներով և աննման Սևանավանք տաճարով:
Հայ կանայք ամենագրավիչն են աշխարհում
Ամերիկացի 44,000 տղամարդիկ գտնում են, որ հայ կանայք ամենագրավիչն են: Արդյունքերը հիմնականում ստացվել են Քիմ Քարդաշյանի շնորհիվ, ով պայթեցրել էր համացանցը «Paper» ամսագրի համար իր մերկ ֆոտոշարքով:
Այնքան էլ մեծ բախտ չունեն ֆուտբոլի հարցում
Չնայած որ ֆուտբոլը համարվում է Հայաստանի ազգային սպորտաձևը, միևնույն է, այն այնքան էլ լավ զարգացած չէ այստեղ: Համենայն դեպս միջազգային մակարդակում հաշված: Անկախություն ձեռք բերելուց հետո ազգային հավաքականը չի կարողացել պայքարել UEFA Եվրոպայի ֆուտբոլային առաջնություններում կամ FIFA World Cup-ում մասնակցելու համար:
Այն ունի ՅՈՒՆԵՍԿՕ-ի Համաշխարհաին ժառանգության կառույցներ
Դրանք են Հաղպատի և Սանահինի վանքերը, Էջմիածնի Մայր տաճարը, Զվարթնոցը, Գեղարդը:
Հայկական այբուբենի քանդակներ կան
2005 թ., երբ հայկական այբուբենը տոնում էր իր ծննդյան 1,600 ամյակը, ստեղծվեցին 36 տառերի քանդակները, որոնք տեղակայվեցին Մեսրոպ Մաշտոցի գերեզմանի մոտակայքում: Այսօր այցելուները կարող են տեսնել հսկայական տառերը, որոնք հպարտ կանգնած են Ապարն քաղաքում:
