Իսկ երեկ և այսօր ազերիական ԶԼՄ-ներն ուղղակի մրցակցում են միմյանց հետ, թե ով է ավելի մեծ ապատեղեկատվություն տպելու Հայաստանին պատկանող «Իսկանդերների» մասին՝ դրանով հանգստացնելով և համոզելով մանր կճղակավորներին, որ իրենց ոչինչ չի սպառնում։ Ազերիներն էքստազային հրճվանքով սեփական հասարակությանը համոզում են, որ այդ «Իսկանդերներն» այն չեն, ինչ որ պետք է լինեին, կամ դրանց օգտագործումը վերահսկվում է Մոսկվայի կողմից, և Բաքուն վախենալու բան չունի, որ Մինգեչաուրի ջրամբարին հարվածելու դեպքում չգիտես ինչու պետք է տուժի Վրաստանը և այլ հիմարություններ՝ հղում անելով ինչ-որ հազարերորդ կարգի, հայաստանյան փախած քաղաքագետների և վերլուծաբանների։ Սակայն այս ապատեղեկատվության հոսքի մեջ կարելի է մերթընդմերթ տեսնել իրականությունը մոտ վերլուծություններ։ Բաքվում շատ վիրավորված են Մոսկվայից, որ Պուտինն «Իսկանդերը» վաճառել է ոչ թե իրենց, այլ հայերին։ Նրանք համոզված են, որ մենք դա գնել ենք պարտքով, իսկ իրենք դրա դիմաց մեկից կվճարեին։ Այդ իսկ պատճառով Բաքուն այսուհետ իր հայացքը կուղղի դեպի Թուրքիա և Իսրայել։ Վերջինս նրան խոստացել է կրկին մեծ քանակությամբ զենք վաճառել, որից ազերիները շատ գոհ էին ապրիլյան կարճատև պատերազմի ժամանակ։
Հետաքրքիր է ստացվում։ Նույն ազերիական կայքում մի քանի ժամ տարբերությամբ տպագրված երկու նյութերն իրար հակասում են։ Ո՞նց կարող է «Իսկանդերը» պատկանել ռուսներին, բայց միևնույն ժամանակ այն մենք գնենք պարտքով նույն ռուսներից։ Կամ, եթե մենք հարվածենք Մինգեչաուրի ջրամբարին կամ Բաքու-Թբիլիսի-Ջեյհան նավթամուղին Ադրբեջանի տարածքում, դրանից ի՞նչ վնաս կունենա Թբիլիսին։ Կամ, վերջապես, եթե Հանրապետության հրապարակով անցած «Իսկանդերն» այդքան վատն է, ինչպես դա ներկայացնում են ազերիները, ապա ինչու՞ են այդքան խառնվել իրար...
Բաքվի իշխանությունների ցայտնոտային և անտրամաբանական քայլերից ու մեկնաբանություններից կարելի է ենթադրել, որ Իսկանդերների «դեֆիլեն» Երևանի Հանրապետության հրապարակում ոչ միայն մեծ անհանգստություն է առաջացրել Իլհամ Ալիևի մոտ, այլև «իսկանդերաֆոբիա» ամբողջ Ադրբեջանում, որն օրեցօր թափ է հավաքում։
Իսկ Իլհամի նմանը պետք է իրոք հասկանա, որ հաջորդ անգամ պատերազմ սանձազերծելու դեպքում ՀՀ-ն անպայման առաջինը շարքից կհանի Բաքու-Թբիլիսի-Ջեյհան նավթամուղը և Բաքու-Թբիլիսի-Էրզուրում գազամուղը։ Իսկ որպես «դեսերտ»՝ հարված կհասցվի Մինգեչաուրի ջրամբարին...
Նյութի աղբյուր՝ https://www.facebook.com/gagik.hambaryan/posts/1124767777607170
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել