Բաղադրիչներ
- կարտոֆիլ - 1 կգ
- կարագ - 120 գր
- բուսայուղ - 1ճ/գդ
- աղ - ըստ ճաշակի
Պատրաստման եղանակ
- Կարտոֆիլը մեծ կտորների ենք բաժանում (յուրաքանչյուրը 4-6 մասի) և լցնում կաթսայի մեջ։
- Այնուհետև կարտոֆիլի վրա եռացած ջուր ենք լցնում ու դնում ենք կրակի վրա և եռալուց հետո 5-6 րոպե եփում ենք, մինչև այն կիսաեփ դառնա, որից հետո ջուրը թափում ենք և թողնում ենք կարտոֆիլը սառչի այնքան, մինչև հնարավոր լինի ձեռքով վերցնել այն։ Մինչ կարտոֆիլը սառչում է, կարագի կեսը հալեցնում ենք։
Կարտոֆիլը անցկացնում ենք մեծ քերիչով։
- Թավայի կամ կաթսայի մեջ (28 սմ տրամագծով) միջին ուժեղության կրակի վրա տաքացնում ենք բուսայուղը։ Քերած կարտոֆիլը 3 շերտով շարում ենք` յուրաքանչյուր շերտի վրա աղ անելով և հալեցրած կարագ ցողելով։ Ամենավերևի շերտի եզրերով դնում ենք կտորների բաժանած կարագը։
- Միջին ուժեղության կրակի վրա 5-6 րոպե տապակում ենք, մինչև ներքևից ոսկեգույն կեղև ստանանք, այնուհետև շրջում ենք և մյուս կողմից ևս 5-6 րոպե տապակում։
- Պատրաստի կարտոֆիլը 5-7 րոպե թողնում ենք թավայի մեջ, այնուհետև տեղափոխում մատուցարանի մեջ, կտրատում և մատուցում։
Բարի ախորժակ։
Կարտոֆիլ «Rösti» -ն շվեյցարական ուտեստ է, որը շատ հեշտ է պատրաստման մեջ, քանի որ բաղկացած է կարտոֆիլից ու կարագից։ Բայց այն չափազանց յուղոտ է և կալորիական։ Այսպիսի կարտոֆիլ կարող ենք մատուցել թե՛ որպես առանձին ուտեստ ` նախաճաշին մեկ բաժակ կաթի, թթվասերի կամ ձվածեղի հետ, և թե՛ որպես խավարտ:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
