Ասում են` սիրած մարդուն ամեն ինչ կարելի է ներել, բայց դա այդքան էլ այդպես չէ. չէ՞ որ սերն ու հարաբերությունները խաղ չեն, և կան վիրավորանքներ, որոնք մարդիկ հիշում են ողջ կյանքի ընթացքում: Հենց դրանք էլ թունավորում են հարաբերությունները:
Ուստի, սիրելի՛ աղջիկներ, մի՛ մտածեք, որ տղամարդը պատրաստ է ներել ամեն ինչ և աչք փակել ձեր արարքների վրա: Կան բաներ, որոնք չեն ներվում…
1. Դավաճանություն
Կնոջ դավաճանությունն իր բնույթով տարբերվում է տղամարդու դավաճանությունից: Կինը դավաճանում է կա՛մ ձանձրույթից ելնելով, կա՛մ չափազանց անբավարարվածության պատճառով: Բացի այդ` կնոջ դավաճանությունը տղամարդու համար նշանակում է, որ իրեն գերադասել են ուրիշից, և դա խոցում է նրա ինքնասիրությունը: Ուստի տղամարդիկ սովորաբար արդարացում չեն փնտրում կնոջ դավաճանության համար և առանց լսելու պարզապես լքում են դավաճանած կնոջը:
2. Հոգևոր դավաճանություն
Սա ավելի լայն հասկացություն է: Եթե կինը կամ գործընկերը դավաճանում են տղամարդուն, նրա մոտ վրեժխնդիր լինելու ցանկություն է առաջանում: Եթե նման բան չի լինում, ապա տղամարդը պարզապես կարող է կորցնել հավատը կնոջ նկատմամբ:
3. Հիմարություն
Տղամարդիկ չեն սիրում հիմար կանանց, նրանք նրանց միայն օգտագործում են: Խելացի կնոջ հիմար արարքը դեռ ներելի է, բայց հիմար կնոջը ոչ մի տղամարդ երկար չի հանդուրժի:
4. Գերազանցություն
Այն զույգերը, որտեղ կանայք տղամարդկանցից շատ են վաստակում, հաճախ բաժանվում են, հատկապես երբ կինը սկսում է ցույց տալ իր գերազանցությունը:
5. Շահախնդրություն
Տղամարդիկ սիրում են անկախ և ինքնուրույն կանանց, ովքեր չեն վազում փողի հետևից և կարող են ինքնուրույն հոգալ իրենց կարիքները:
6. Բացասական համեմատություն այլ տղամարդկանց հետ
Տղամարդիկ շատ հպարտ են, և նման համեմատությունները հարվածում են նրանց ինքնագնահատականին: Ոչ մի տղամարդ դա չի հանդուրժի:
7. Անուշադրություն
… ամուսնու, երեխաների, տան, ընտանեկան օջախի հանդեպ:
8. Մշտական և չհիմնավորված մերժում սեքսին
Եթե տղամարդը կասկածի, որ չի բավարարում իր սիրելիին, նա ենթագիտակցորեն կսկսի փնտրել նրան, ում կբավարարի, իսկ մեր օրերում դա այդքան էլ բարդ բան չէ:
9. Վիրավորանք հարազատներին, հատկապես մորը
Տղամարդը շատ լավ գիտի իր հարազատների թերությունների մասին, բայց նրանք իր ընտանիքն են, և նա չի թողնի, որ նրանց վիրավորեն:
10. Երբեք չի կարելի ծաղրել տղամարդու երազանքները
Եթե տղամարդը Ձեզ է վստահել իր գաղտնի երազանքները, ապա Ձեզ մտերիմ է համարում, ուստի որքան էլ դրանք մանկական կամ անմիտ լինեն, պետք չի ծաղրել դրանք: