24-ամյա բրիտանուհի Դեննիս Լիսը մեկնեց Բելգիա՝ հանուն կրծքի մեծացման մատչելի վիրահատության: Նա վճարեց 2375 ֆունտ ստեռլինգ (մոտ 3400 դոլար), ինչը համեմատաբար էժան է, քան իր հայրենիքում: Բայց հետո պետք է պարզ դառնար, որ նման հարցերում խնայողությունը կարող է ցավալի հետևանքների հանգեցնել:
Աղջկա խոսքերով՝ ուղիղ մեկ շաբաթ անց կրծքից սկսեց ինչ-որ հեղուկ հոսել, որն ուղեկցվում էր այրող ցավով: Նա դիմեց տեղի բժիշկներին, ովքեր հեռացրին իմպլանտը: Այնուհետև կրկին մեկնեց Բելգիայի այն կլինիկա, որտեղ վիրահատել էին իրեն, որպեսզի փոխհատուցում պահանջի: Կլինիկայի բժիշկները աղջկան առաջարկեցին գալ և այս անգամ անվճար վիրահատվել, որպեսզի վիրաբույժներն ուղղեն սխալը: Բայց ճակատագրի հեգնանքով այդ վիրահատությունը ևս անհաջող անցավ, և բրիտանացի բժիշկները ստիպված նորից հեռացրեցին այդ իմպլանտը:
Այսօր Դեննիսի մի կուրծքը մյուսից մեծ է:
