Բաղադրիչներ
- միս խոզի - 1 կգ
- բեկոն - 200 գր
- Մարինադի համար`
- համեմ - 1 կապ
- մաղադանոս - 1 կապ
- սխտոր - 4-5 պճեղ
- ձիթայուղ - 100 մլ (բուսայուղ)
- աղ - ըստ ճաշակի
Պատրաստման եղանակ
- Չափաբաժինները` 4-6: Այս խորովածի համի գաղտնիքը մարինադի և (համեմն ու սխտորը հիանալի համադրություն են) հում ապխտած բեկոնի մեջ է։ Միսը 2 սմ լայնությամբ, մոտ 1 սմ հաստությամբ և 8-10 սմ երկարությամբ կտրատում ենք և դնում մեծ ամանի մեջ։ Կանաչին, մանր քերիչով անցկացրած սխտորը, բուսայուղը լցնում ենք բլենդերի մեջ և հարում ենք մինչև համասեռ զանգված ստանանք։
- Սոուսը լցնում ենք մսի վրա և ձեռքերով խառնում ենք։ Միսը գիշերը սառնարանն ենք դնում, որպեսզի մարինացվի։
- Մսի շերտի վրա ենք դնում բեկոնի շերտը, ռուլետաձև փաթաթում ենք և շարում փայտիկների վրա։ Յուրաքանչյուր փայտիկի վրա 4-5 ռուլետ է տեղավորվում։
- Խորովածները գրիլ-թավայի մեջ, առանց բուսայուղի, տապակում ենք մինչև պատրաստ լինեն (ընթացքում մի քանի անգամ շրջում ենք, որպեսզի հավասար տապակվեն)։ Մատուցում ենք անմիջապես` տաք վիճակում։ Կարող ենք խորովածը պատրաստել ջեռոցում` ցանցի վրա։ Այդ դեպքում պետք է վերևի գրիլը միացնենք (եթե ջեռոցում ենք պատրաստելու, ապա փայտիկները մի քանի ժամով թրջում ենք):
Ի դեպ, խոզի մսից խորոված — գրիլ հարմար է մատուցել թե գարեջրի, թե բանջարեղենային աղցանի, թե կարտոֆիլի ջեռեփուկի հետ:
Նյութի աղբյուր՝ http://www.cooks.am/%D5%AD%D5%B8%D6%80%D5%B8%D5%BE%D5%A1%D5%AE-%D5%A3%D6%80%D5%AB%D5%AC-%D5%AD%D5%B8%D5%A6%D5%AB-%D5%B4%D5%BD%D5%AB%D6%81/
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել