Մարզումների ժամանակ հարկավոր է զգուշանալ շոգից և խոնավությունից, քանի որ դա կարող է վտանգավոր լինել ինտենսիվ ֆիզիկական ծանրաբեռնվածության հետ միասին, հայտնում է healthinfo.ua-ը:
Մարմինն ունի սեփական հովացման համակարգը: Երբ քրտինքը գոլորշանում է մաշկի մակերևույթից, այն հովացնում է օրգանիզմը: Սակայն շոգ և խոնավ եղանակին այդ մեխանիզմը կարող է սպառնալիքի տակ հայտնվել: Երբ մարմինը տաքանում է, տեղի է ունենում հետևյալը.
Հեղուկի կորուստ: Շոգ օրը մարմինը կորցնում է 2 անգամ շատ ջուր:
Ներքին ջերմաստիճանի բարձրացում: Արտաքին տաքությունը, լարումը և հեղուկի կորուստը առաջացնում է ներքին ջերմաստիճանի բարձրացում:
Քրտնարադրության նվազեցում: Խոնավ օդը քրտինքին թույլ չի տալիս գոլորշանալ և օրգանիզմը հովացնել, այդ պատճառով ներքին ջերմաստիճանը ավելի է բարձրանում:
Արյան շրջանառության և սրտի կծկումների ավելացում: Քրտնարտադրությունը և ջրազրկումը ավելացնում է սրտի կծկումների հաճախականությունը:
Իսկ ի˚նչ կարող է պատահել շոգին մարզվելու ժամանակ.
Ջերմային ցնցումներ: Դրանք մկանների շատ ցավոտ կրճատումներ են, սակայն դրանց օգնությամբ մարմնի ջերմաստիճանը կարող է իջնել:
Ջերմային հյուծում: Ջերմային հարվածի դեպքում մարմնի ջերմաստիճանը բարձրանում է և կարող է առաջանալ սրտխառնոց, փսխում, գիտակցության կորուստ, գլխացավ, վայրկյանական թուլություն: Չբուժելու դեպքում այն կարող է հանգեցնել ջերմային հարվածի:
Ջերմային հարված: Ջերմային հարվածը կյանքի համար ամենավտանգավորն է: Դրա ժամանակ մարմնի ջերմաստիճանը բարձրանում է մինչև կրիտիկական, և չնայած մաշկը կարող է տաք լինել, մարմինը դադարեցնում է քրտնարտադրությունը: Ջերմային հարվածը հաճախ ուղեկցվում է գիտակցության կորստով: Այն պահանջում է անհապաղ բժշկական օգնություն ուղեղի վնասման, երբեմն էլ մահվան կանխման համար:
Մարզումների ժամանակ հետևեք նշաններին և ախտանիշներին` մկանային ցնցումներ, սրտխառնոց, գլապտույտ, գիտակցության կորուստ կամ գլխացավ: Եթե զգում եք դրանցից որևէ մեկը, դադարեցրեք մարզվելը, իջեցրեք մարմնի ջերմաստիճանը և ջուր խմեք: Եթե 30 րոպեում ավելի լավ չզգաք, դիմեք բժշկի:
