Tert.am-ը գրում է.
Երեկ «Սասնա ծռեր» խմբի անդամ Պավել Մանուկյանի` «Դատապարտյալների հիվանդանոց» ՔԿՀ-ում տեղի ունեցած վիրահատությունը լավ է անցել: Այս մասին Tert.am-ի հետ զրույցում ասաց Պավել Մանուկյանի փաստաբաններից Հարություն Բաղդասարյանը:
«Նախքան պլաստիկ վիրահատությունն ու հետվիրահատական շրջանում Պավլիկ Մանուկյանի տրամադրությունը բարձր էր, վիրահատությունն արվել է աջ ոտքի վերքերը փակելու համար»,-ասաց Հարություն Բաղդասարյանը:
Փաստաբանը հայտնեց, որ վիրահատությունից հետո բժիշկներն ասել են, որ այն նորմալ է անցել, խնդիրներ չեն առաջացել, իսկ վիրահատությունը տևել է մեկ ժամից ավելի:
Հարություն Բաղդասարյանը նշեց, որ այս վիրահատությունն արվել է մաշկի վերքերի բուժման համար, իսկ հաջորդ վիրահատությունը, որի համար դեռևս ժամկետ նշած չէ, ոսկորների վերականգնման նպատակով կլինի:
Ամբողջական հոդվածը կարող եք կարդալ այստեղ
