Օրվա բաղադրատոմսը. կարկանդակ «Puffed Pancake»։
- Մատուցվում է:Անմիջապես
- Նախն. ժամանակ:20 րոպե
- Պատրաստման ժամանակ:30 րոպե
Բաղադրիչներ
- Խմորի համար`
- կեֆիր - 0,5 լ
- ձու - 3 հատ
- ալյուր - 300 գր
- սոդա - 0,5 թ/գդ
- աղ - ըստ ճաշակի
- Լցոնի համար՝
- լոլիկ - 2 հատ
- դդմիկ ցուկինի տեսակի - 2 հատ
- պանիր - 100 գր
- աղ - ըստ ճաշակի
- պղպեղ սև - ըստ ճաշակի
- կանաչի - ըստ ճաշակի (չորացված)
- խոզապուխտ - մի քանի կտոր
Պատրաստման եղանակ
- Տապակի մեջ շարում ենք խոզապուխտի շերտերը և այն դնում 230 աստիճան տաքացրած ջեռոցի մեջ:
- Պատրաստում ենք խմորը: Ձվերը հարիչով թեթևակի հարում ենք, ավելացնում կեֆիրն ու կրկին հարում: Այնուհետև լցնում ենք սոդան, հարում ու ավելացնում ալյուրը, աղը և խառնում մինչ համասեռ զանգված ստանալը:
Պատրաստում ենք լցոնը: Դդմիկն ու լոլիկները լվանում ենք, չորացնում ու շրջանաձև կտրատում: Բանջարեղենի վրա աղ, սև պղպեղ ու չորացրած կանաչի ենք ավելացնում: Խմորը լցնում ենք հալեցրած խոզապուխտով տաք թավայի մեջ, վրան շարում ենք բանջարեղենը և վրան խորանարդաձև կտրատած պանիր լցնում:
Տապակը դնում ենք 230 աստիճան տաքացրած ջեռոցի մեջ ու թխում 30 րոպե: - Զարդարում ենք ըստ ցանկության ու մատուցում:
“Puffed Pancake” կարկանդակ կարելի է պատրաստել նաև այլ լցոններով՝ թե՛ քաղցր, թե՛ աղի: Դա կախված է Ձեր նախասիրություններից ու երևակայության թռիչքից
Նյութի աղբյուր՝ http://www.cooks.am/%D5%AF%D5%A1%D6%80%D5%AF%D5%A1%D5%B6%D5%A4%D5%A1%D5%AF-puffed-pancake/
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել