Tert.am-ը գրում է.
Թուրքիայի արդարադատության նախարար Բեքիր Բոզդաղն իր թվիթերյան էջում հայտնել է, որ մոտ 38.000 մարդ կազատվի բանտերից բարեփոխման շրջանակում, որը կոչված է բեռնաթափել երկրի բանտերը, հայտնում է «ՌԻԱ Նովոստի»գործակալությունը։
Նշվում է, որ բարեփոխումը թույլ կտա շատ բանտարկյալների իրենց ժամկետից շուտ լքել ազատազրկման վայրը, սակայն նրանք կգտնվեն հսկողության տակ։
Որոշումն ընդունվել է ազատազրկվածների մեծ թվի պատճառով։ Նշենք, որ երկրում հուլիսի 15-ին իրականացված ռազմական հեղաշրջման փորձից հետո երկրում ձերբակալությունների մեծ ալիք է սկսվել։
Ավելի վաղ հաղորդվել էր, որ Թուրքիայի իշխանություններն արտակարգ դրության մասին երկու հրամանագիր են հրապարակել, որոնք նախատեսում են պետական հեղաշրջման փորձին ներգրավվածության համար կասկածվող ոստիկանության ավելի քան 2 հազար աշխատակիցների և ավելի քան 300 զինծառայողների պաշտոնից ազատում։
Ամբողջական հոդվածը կարող եք կարդալ այստեղ