Վանաձորի քաղաքապետարանին կից «Նեցուկ» ՊՈԱԿ֊ի աշխատակից, բանվոր Սաթենիկ Ափինյանը «Լոռի TV»֊ին տված հարցազրույցի ընթացքում պատմել է, որ իրեն աշխատանքից հեռացրել են «Լուսավոր Հայաստան» կուսակցության ֆեյսբուքյան էջի գրառումներից մեկը լայքելու համար:
Փաստորեն Վանաձորի քաղաքապետի պաշտոնում իր վերջին ամիսները վայելող Սամվել Դարբինյանը վախենում է անգամ լայքերից: Արդեն իսկ պարզ է, որ հաջորդ ընտրություններին Դարբինյանին չեն առաջադրելու և վերջին տարիներին Վանաձորը քարուքանդ անող քաղաքապետը այս անգամ որոշել է վատություն անել մարդկանց՝ առանց պատճառ զրկվելով իրենց հանապազորյա հացից;
Խնդիրը Լուսավոր Հայաստանը չէ: Այս քաղաքական ուժի փոխարեն կարող էր մեկ այլ կուսակցություն լինել: Խնդիրն այն է, որ այս մարդը չգիտի ինչ է խոսքի ազատությունը: Եթե այդքան շատ էր ուզում որ անգամ իր աշխատակիցները սատարեն միայն իրեն և չլայքեն այլ քաղաքական ուժերի գրառումները, ապա պետք է լափամանը ստամոքսում «տեղավորելու» փոխարեն օգտակար լիներ իր քաղաքի ժողովրդին և չհասցներ նրան, որ բոլորը ուրախանային իր մոտալուտ հեռացմամբ:
