Կան մի քանի առօրյա սովորություններ, որոնց պատճառով կանացի կուրծքը կախված տեսք է ստանում: Դրանցից խուսափելու համար նախևառաջ պետք է իմանալ դրանք:
Մի՛ կրեք անհարմար կրծկալ
Սա գլխավոր պատճառներից մեկն է: Կան կրծկալներ, որոնք ձգվող նյութից են պատրաստված, որը ժամանակի հետ թուլանում է: Այդ պատճառով կրծկալը դադարում է կատարել իր գլխավոր գործառույթը՝ պահել կուրծքը, որը թույլ կրծկալում ֆիքսված վիճակում չէ:
Մի՛ ծխեք
Ծխելը թուլացնում է մաշկը, այն կորցնում է նախկին էլաստիկությունը: Ծխելը կրճատում է կոլագենի արտադրության քանակն ու դանդաղեցնում արյան շրջանառությունը: Մաշկը դառնում է բարակ, չոր ու արագ է ծերանում:
Մի՛ պահեք խիստ դիետաներ
Կրծքագեղձի գեղեցկության ու առողջության համար շատ կարևոր է սնվել հավասարակշռված: Երբ Դուք արագորեն նիհարում եք, այնուհետև քաշ եք հավաքում, դա բացասաբար ազդեցություն է ունենում մաշկի ու կրծքագեղձի վրա:
Պաշտպանվեք արևից
Կրծքագեղձի հատվածում հատկապես մաշկը զգայուն է ուլտրամանուշակագույն ճառագայթների նկատմամբ, իսկ այդ ճառագայթները մաշկի ծերացման ուղիղ ճանապարհ են:
Կատարեք ֆիզիկական վարժություններ ու հետևեք մեջքի դիրքին
Որպեսզի կրծքագեղձի մկանները լինեն ձիգ, հարկավոր է մարզվել: Բայց ֆիզիկական բոլոր տեսակի ակտիվություննները չէ, որ օգտակար են այդ հատվածի համար: Շատ կարևոր է հետևել մեջքի դիրքին՝ ուղիղ պահելով այն:
