Չնայած ՊՊԾ-ն գրաված զինյալները հստակորեն չձևակերպեցին իրենց պահանջներն առ իշխանություններ, սակայն բոլորիս էր պարզ, թե ինչ են նրանք ցանկանում։
1.Հարկադրել իշխանություններին վերջ տալ պետականությունը կործանող քաղաքականությանը։
Խստորեն կասկածում եմ, և գրեթե վստահ եմ, որ այս իշխանություններին նույնիսկ զինված հարձակումներով չես ստիպի վերջ տալ կոռուպցիային, վերացնել քրեօլիգարխիկ համակարգը, քանի որ դա այս իշխանության էությունն է, որը ոչ ոք և երբեք չի կարողանալու փոխել։ Ուստի «Սասնա ծռերի» այս մի չձևակերպված պահանջը, մոտ ապագայում գոնե, եթե իհարկե սա չվերաճի համազգային շարժման, իրականություն չի դառնա, և բարեփոխումների սպասելը միամտություն է։
2. Ապրիլյան պատերազմից հետո Արցախի շուրջ ստեղծված նոր իրադրությունը, ամբողջ հասարակության, և իհարկե նաև «Սասնա ծռերի» մտահոգության առարկան է, և վստահաբար կարող եմ ասել, նաև ՊՊԾ գնդի վրա հարձակման հիմնական դրդապատճառներից էր։ Բանակցային գործընթացի նախկին ոչ հայանպաստ փաստաթղթերը, քառօրյա պատերազմից հետո հանրության համար այդպես էլ մութ և կասկածելի մնացած «լավրովի լիստը», որը շատ հավանական է հենց հողեր հանձնելուն էլ վերաբերվում է, այս հարձակաման նախադրյալներից էին անկասկած (սրամ մասին ՀԽ-ի անդամները նույնիսկ բացեիբաց հայտարարել են)։ Եվ եթե մեր իշխանությունները փոքր-ինչ խելամիտ գտնվեն՝ հանուն սեփական դիրքերի անսասանության, իսկ հետո նաև հանուն հայոց պետականության (քանի որ մեր իշխանության համար առաջինն ավելի կարևոր է , քան երկրորդը) կարող են այս իրադարձությունները հաջողությամբ ծառայեցնել հողային զիջումներից կտրականապես հրաժարվելու պնդմանը։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել