G20-ի անդամ երկրների ֆինանսների նախարարները և կենտրոնական բանկերի նախագահները Չինաստանում երկշաբաթյա հանդիպումների արդյունքում ընդունված կոմյունիկեում չեն ընդգրկել Թուրքիայի կառավարությանը աջակցելու կետ, հայտնում է RIA Novosti-ն` հղում անելով թաստաթղթի սևագրությանը:
«Օրենքի գերակայության ամրապնդումը հանդիսանում է հիմնական կայուն զարգացման գրավականը, և մենք աջակցում ենք Թուրքիայի օրինական իշխանությանը տնտեսական կայունության և բարգավաճման ապահովման իր ջանքերում»,- ասված էր փաստաթղթի սկզբնական տեքստում: Սակայն կոմյունիկեի վերջնական տարբերակում նշված դրույթը բացակայել է:
Էկոնոմիկայի և ֆինանսների հարցով եվրահանձնակատար Պիեռ Մոսկովիսի և Ռուսաստանի ֆինանսների նախարար Սերգեյ Ստորչակի խոսքով` Անկարան է հանդես եկել նշված նախաձեռնությամբ, սակայն հետագա քննարկումից հետո ինքն էլ հանել է իր առաջարկությունը: