Մսի խճողակ կոտլետի համար

միս խոզի - 1 կգ (կամ խոզի ու տավարի մսի խառնուրդ, կամ խոզի ու հավի մսի խառնուրդ)
սոխ - 2 հատ
հաց սպիտակ - 1/4 հատ (բատոն)
կաթ - 100 մլ

Չափաբաժինները` 6 :
Կոտլետի խճողակի պատրաստելու համար ցանկալի է միմյանց խառնել տարբեր տեսակի մսատեսակներ (խոզի ու տավարի, կամ խոզի ու հավի), քանի որ այդպես կոտլետներն առավել համեղ են ստացվում:
Միսը ջլահան ենք անում և թաղանթը հեռացնում։
Ցանկալի է միսը մսաղացով 2-3 անգամ աղալ (հեշտ աղալու համար այն պետք է նախապես սառեցնել)։
Խճողակի մեջ հաց ենք ավելացնում, որը նախապես փափկեցնում ենք կաթի մեջ: Այնուհետև զանգվածին ենք ավելացնում սոխը:
Որպեսզի կոտլետները հաջող ստացվեն, լավ կլինի ձեռքով հունցենք, իսկ կոտլետներ ձևավորելիս` մի քանի անգամ ձեռքից-ձեռք գցենք (ձեռքերը պետք է ջրի մեջ թրջել, որպեսզի խճողակը ձեռքերին չկպչի)։
Կոտլետներ պատրաստելուց առաջ միսը պատում ենք պաքսիմատով: Կոտլետների մեջ լավ կլինի ձու չավելացնել, որպեսզի վերջինս ձիգ չլինի։

Ավելի հյութեղ կոտլետներ ստանալու համար խճողակի մեջ կարող եք նաև գազար, սխտոր, դդմիկ, կամ կարտոֆիլ ավելացնել, որոնք պետք է նախապես բլենդերով մանրեցնել

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:

Տպել

Օրվա բաղադրատոմս. մսի խճողակ կոտլետի համար