Շոկոլադե Ջելատո
- Մատուցվում է:5 ժամ անց
- Նախն. ժամանակ:10 րոպե
- Պատրաստման ժամանակ:40 րոպե
Բաղադրիչներ
- շոկոլադ սև - 150գր
- կակաո - 1/2 բաժակ
- կաթ - 2 բաժակ
- շաքարավազ - 3/4 բաժակ
- ձվի դեղնուց - 4 հատ
- աղ - 1 պտղունց
Պատրաստման եղանակ
- Կաթսայի մեջ խառնել կակաոն 1 բաժակ կաթի և 1 պտղունց աղի հետ, հասցնել եռման աստիճանի, ապա լցնել այլ ամանի մեջ, վրան ավելացնել մանրացված շոկոլադը և խառնել ստացված զանգվածը մինչև միատարր դառնալը:
- Նույն կաթսայի մեջ տաքացնել կաթի մնացած մասը, ավելացնել շաքարավազը և եփել մինչև շաքարավազի լուծվելը:
- Ձվի դեղնուցները լավ հարել, վրան ավելացնել կաթը շաքարավազի հետ և լավ խառնել:
- Ստացված ձվային զանգվածը կրկին լցնել կաթսայի մեջ և տեղափոխել միջին կրակի վրա: Եփել մինչև զանգվածի պնդանալը՝ գդալով անընդհատ խառնելով զանգվածը այդ ընթացքում:
- Եփված կրեմային զանգվածը լցնել շոկոլադե զանգվածի վրա ցանցի միջոցով:
- Լավ խառնել մինչև պաղպաղակի սառչելը, որից հետո տեղափոխել սառցարան 3 ժամով:
- Այնուհետև հանել սառցարանից, լավ հարել մինչև կրեմանման զանգվածի առաջացումը և կրկին տեղափոխել սառցարան: Պատրաստի պաղպաղակը պահել սառցարանում հերմետիկ կոնտեյների մեջ, որպեսզի պաղպաղակը կողմնակի համեր չվերցնի:
Հանել ջելատոն սառցառանից, թողնել սենյակային ջերմաստիճանում 5 րոպե, ապա պաղպաղակի գդալով գնդիկներ ձևավորել և մատուցել:
Զարմացրեք Ձեր հյուրերին` պատրաստելով հայտնի իտալական պաղպաղակ Ջելատո շոկոլադե համով:
Նյութի աղբյուր՝ http://www.cooks.am/%D5%B7%D5%B8%D5%AF%D5%B8%D5%AC%D5%A1%D5%A4%D5%A5-%D5%BB%D5%A5%D5%AC%D5%A1%D5%BF%D5%B8/
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել