Եփած խտացրած կաթ Dulce de leche
- Մատուցվում է:1-2 ժամ անց
- Նախն. ժամանակ:20 րոպե
- Պատրաստման ժամանակ:2ժ 00 րոպե
Dulce իսպաներենից թարգմանաբար նշանակում է «քաղցր կաթ»։ Այս կերպ պատրաստված խտացրած կաթը «Ալֆախորես» թխվածքաբլիթի միջուկն է, որը համարվում է Իսպանիայի, Արգենտինայի և Պերուի սիրված քաղցրավենիքներից մեկը։ Այն կարելի է մատուցել կոկտեյլների, կեքսերի և պաղպաղակների հետ։
Պատրաստի եփած խտացրած կաթը պետք է պահել փակ ապակյա տարաների մեջ` սառնարանում։
Բաղադրիչներ
- կաթ - 1 լ
- շաքարավազ - 255 գր
- սոդա - 1 թ/գդ
- վանիլին - 0,5 թ/գդ (կամ դարչին)
Պատրաստման եղանակ
- Չափաբաժինը` մոտ 420 գր:
Կաթսայի մեջ ենք լցնում կաթը, շաքարավազը, սոդան և վանիլինը։ Դնում ենք միջին ուժեղության կրակի վրա և հասցնում եռման աստիճանի (հետևում ենք, որ կաթը չթափվի)։ Եթե արդեն կաթը կրեմագույն է (մոտ 20 րոպե հետո), կրակի տակն իջեցնում ենք։
- Դանդաղ կրակի վրա կաթն անընդհատ խառնելով, մոտ 1 ժամ եփում ենք։ Եթե խտացրած կաթը կրակից 5-10 րոպե շուտ վերցնենք, ապա այն ավելի ջրիկ կստացվի և շատ հարմար կլինի օգտագործել որպես կարամելային սոուս:
Մոտ 65 րոպե հետո խառնուրդը կթանձրանա և մուգ կարամելագույն կդառնա։
- Եթե նշված ժամանակից հետո խառնուրդը չի թանձրացել, պետք չէ անհանգստանալ, քանի որ այն կթանձրանա սառչելու ընթացքում։
Կրակի տակն անջատում ենք և խտացրած կաթը մոտ 5 րոպե խառնում։ Սառեցնում ենք և 1 ժամով տեղափոխում սառնարանը։
- Ահա և վերջ:
Տանն ունենալով այսպիսի եփած խտացրած կաթ կոնֆետ ուտելու ցանկություն չեք ունենա 
Նյութի աղբյուր՝ http://www.cooks.am/%D5%AD%D5%BF%D5%A1%D6%81%D6%80%D5%A1%D5%AE-%D5%AF%D5%A1%D5%A9-dulce-de-leche/
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
