Եկեք իրավիճակն ավելի խորքային վերլուծենք: Ո՞րն է ոստիկանության ֆունկցիան: Ոստիկանության ֆունկցիան գործող քաղաքական համակարգի անվտանգությունն ապահովելն է` ցանկացած երկրում:
Ո՞րն է բանակի ֆունկցիան` ապահովել երկրի անվտանգությունը:
Հիմա, ո՞րն է ստեղծված իրավիճակի առանձնահատկությունը: Առանձնահատկությունն այն է, որ համակարգի և երկրի անվտանգությունը հակասության մեջ են հայտնվել:
Գործող քաղաքական համակարգը ցանկանում է տարածքային զիջման գնալ, ինչը հակասում է երկրի անվտանգությանը: Այսինքն բանակը և ոստիկանությունը հայտնվել են հակասության մեջ:
Զինված խմբի անդամների մեջ կան պատերազմի վետերաններ, պաշտոնաթող սպաներ, իսկ պատանդները ոստիկաններ են:
Ու այս հակասությունը չի կարող հանգուցալուծվել զինված խմբի վրա գրոհելով: Եթե ուժային հարձակում լինի ու բնականաբար լինեն զոհեր, դա նշանակում է որ բանակ-ոստիկանություն անդունդը խորանալու է, ինչը կբերի ավելի վատ հետևանքների: Գուցե ոչ միանգամից, բայց ավելի ծանր հետևանքներով, քան այսօրվա իրադարձություններն են:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել