Tert.am-ը գրում է.
Էկոնոմիկայի նախարար Արծվիկ Մինասյանն այսօր հրավիրած ասուլիսում հակադարձեց պետաշխատողների հանգստի փաթեթի առթիվ Վերահսկիչ պալատի գնահատականներին:
«Դա մարդու սեփականությունն է, նա կարող է կանխիկացնել, և դա օրենքով արգելված չէ: Մեղադրանք են ներկայացնում մարդուն, որն ուզում է իր հանգիստը կազմակերպել իր ձևով: Կարող է, ես եմ, ուզում եմ այդ գումարով վրան խփել մի տեղ, ընտանիքով հանգստանալ»,- հայտարարեց նախարարը:
Արծվիկ Մինասյանի կարծիքով՝ Իշխան Զաքարյանի նշած՝ սոցփաթեթների ապօրինի կանխիկացում արտահայտությունը տեղին չէ. «Որովհետև արգելված չէ դրա կանխիկացումը: Սահմանափակումներ կան, բայց արգելված չէ, հետևաբար մենք պետք է խոսենք հասցեականության բարձրացման և արդյունավետությունն առաջ տանելու մասին, որ քաղաքացիների մոտ տպավորություն չստեղծվի, որ հանվում է այդ բաղադրիչը»:
«Փաստորեն, կան, որ տուրօպերատորները չեն վճարել հանգստյան տներին, հետևաբար սա պետք է կարգավորվի, սակայն լիցենզավորում համակարգում չկա: Մենք արդեն 3 կազմակերպությունների հանել ենք հաշվառումից»,-ասաց Մինասյանը:
Գործադիր մարմնի նիստի մեկնարկին ՀՀ վարչապետ Հովիկ Աբրահամյանն առաջարկեց Վերահսկիչ պալատի նախագահ Իշխան Զաքարյանին ներկայացրել սոցիալական փաթեթի հանգստի բաղադրիչի հետ կապված ուսումնասիրությունների արդյունքները:
Ամբողջական հոդվածը կարող եք կարդալ այստեղ