Tert.am-ը գրում է.
ԱԺ «Հայ ազգային կոնգրես» խմբակցության անդամ Լյուդմիլա Սարգսյանն այսօր մամուլի ասուլիսին անդրադարձավ Ռուսաստանի կողմից Ադրբեջանին զենքի վաճառքին: Ըստ նրա՝ Հայաստանն այդ գործընթացի վրա որևէ կերպ ազդելու ունակ չէ:
«Դրանք բիզնես շահեր են: Ռուսաստանը զենք արտադրող երկիր է և դրա միջոցով փորձում է իր ազդեցությունը պահել»,-ասաց նա և նշեց, որ չնայած Հայաստանին հուզող և ցանկալի երևույթ չէ Ռուսաստանի զենքի վաճառքը Ադրբեջանին, սակայն կոչ արեց չմոռանալ, որ գերտերության հետ գործ ունենք և Ռուսաստանի համար բավարար չէ միայն Հայաստանի բարեկամությունը:
Ըստ պատգամավորի ՝ Ռուսաստանն իր շահերն ունի Ադրբեջանում, և այդ զենքը Ադրբեջանի համար անհրաժեշտ պահին կրակելու է հայկական ուղղությամբ:
«Մի բանի վրա, որ չես կարող ազդել պետք չէ մտածել այդ ուղղությամբ, այլ պետք է մտածել, թե ինչպես անել, որ այդ ազդեցությունը թուլացնել»,-ասաց նա և նշեց, որ Հայաստանը պոտենցիալ ունի զենք արտադրելու:
Ամբողջական հոդվածը կարող եք կարդալ այստեղ
