Բաղադրիչներ

  • Խմորի համար՝
  • կաթ - 200մլ
  • ձու - 1 հատ
  • կարագ - 75գր
  • խմորիչ - 1թ/գդ
  • աղ - 1ճ/գդ
  • շաքարավազ - 1ճ/գդ
  • ալյուր - 1կգ (ինչքան կվերցնի խմորը)
  • Ինչպես նաև՝
  • խոզապուխտ - 300գր (պետք է լինի շատ բարակ կտրատված)
  • ձվի դեղնուց - 1 հատ
  • քունջութ - 1ճ/գդ

Պատրաստման եղանակ

  1. Կաթը թեթևակի տաքացնել, հանել կրակի վրայից, ապա լուծել նրա մեջ խմորիչը: Խառնել խմորի համար նախատեսված բոլոր բաղադրիչները և խմոր հունցել: Թողնել խմորը հանգստանա 1 ժամ տաք տեղում, որպեսզի բարձրանա:
  2. Պատրաստի խմորը բարակ բացել, ապա կտրատել խոզապուխտի տրամագծով շրջանակներ: Վերցնել կտրատված 2 շրջանակ, դրանց արանքում տեղադրել խոզապուխտը:
    karkandak-caghik-3
  3. Ստացված շրջանակին տալ ծաղիկի տեսք՝ բաժանելով այն 8 հավասար մասի, իսկ մեջտեղի մասը թողնելով ամբողջական: "Ծաղիկի" ամեն թերթիկը ուղղահայաց ծալել, որպեսզի խոզապուխտը ուղղահայաց դիրք ընդունի: Այնուհետև ներքևի մասում իրար միացնել 2-ական թերթիկ (ինչպես ցույց է տրված նկարում): Նույնը կատարել խմորի մյուս շրջանակների հետ:
    karkandak-caghik-4
  4. Պատրաստի ծաղիկների վրա հարված դեղնուց քսել, մեջտեղի մասում քունջութ շաղ տալ, ապա տեղադրել ջեռոց և թխել 15-20րոպե 180աստիճանում:
    karkandak-caghik-5

Ծաղիկ կարկանդակը ցանկալի է ճաշակել անմիջապես պատրաստելուց հետո: Այդ ժամանակ կարկանդակներն իսկապես հալչում են բերանում:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել