Հունիսի 28-ի երեկոյան ՍտամբուլիԱթաթուրքի անվան միջազգայինն օդանավակայանումպայթյուններ են որոտացել, որոնք 36 մարդու կյանք են խլել: Եվս 147-ը վնասվածքներ է ստացել, հայտնում է ՌԻԱ Նովոստին:
Պայթյունները հնչել են մուտքի, ելքի մոտ և կայանատեղիում: Ենթադրվում է, որ գործել են մահապարտ ահաբեկիչները, լսվել են նաև կրակոցներ:
Ըստ օդակայանի աշխատակիցների, շատերը տուժել են ոչ թե պայթյուններից, այլ ապակիների բեկորներից:
ՔԱԿ անդամները հայտարարել են, որ առնչություն չունեն պայթյունների հետ:
Ըստ Թուրքիայի վարչապետ Բինալի Յիլդիրիմի, որը ժամանել է ողբերգության վայր, նախնական տվյալները մատնանշում են, որ գրոհների հեղինակը «Իսլամական պետությունն» է:
Սոցցանցերի օգտատերերը հիշեցրել են, որ ուղիղ երկու տարի առաջ` 2014-ի հունիսի 29-ին ԻՊ-ն հայտարարեց այսպես կոչված խալիֆատի ստեղծման մասին:
Նախնական տեղեկություններով Ստամբուլի օդանավակայանում պայթյունի հետևանքով տուժածների շրջանում հայեր չկան: Այս մասին հայտնել է ՀՀ Արտաքին գործերի նախարարությունն իր Twitter-ի էջում։