Գինեգործությունը ՀՀ տնտեսության զարգացող և հեռանկարային ճյուղերից մեկն է: Այստեղ շատ կարևոր է պետության և մասնավորի միջև համագործակցությունը, որը կարող է հանգեցնել ոլորտի զարգացմանն ու 

միջազգային շուկայում հայկական գինու մրցունակության պահպանմանը:

Գինեգործության և խաղողագործության զարգացման նպատակով Հայաստանում կհիմնվի Հայաստանի խաղողագործության և գինեգործության հիմնադրամ:

Սպասվում է, որ այդ նպատակով պետական բյուջեից այս տարվա համար կհատկացվի 103,5 միլիոն դրամ:

Հիմնադրամը կիրականացնի շուկայական տեղեկատվության ապահովման, հայկական ապրանքների նպատակային շուկաներում առաջման, ինչպես նաև հայկական ապրանքների ներկայացման ծրագրեր:

Հիմնադրամի ստեղծման անհրաժեշտություններից մեկը կայանում է միասնական բրենդի ձևավորման մեջ: Հայկական գինին շարունակում է բարելավել իր որակը, սակայն անհրաժեշտ է մեկ հարթակ, որտեղ կարող են լուծվել մի շարք հարցեր:

Հիմնադրամը կունենա որոշակի ֆինանսական հնարավորություններ և հիմնված կլինի պետություն-մասնավոր հատված համագործակցության վրա:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել