Առաջիկա խորհրդարանական ընտրություններին բառացիորեն մնացել են ամիսներ և ինչքան որ մոտենում են ընտրությունները, այնքան ակտիվանում են այսպես կոչված «ընդդիմադիրները»: Նրանք օգտագործում են տարբեր հարթակներ՝ պոպուլիստական և ականջահաճո ելույթներ ունենալու համար: Պոպուլիստական ելույթների գերակշռող քանակով աչքի են ընկնում խորհրդարանում տեղի ունեցող նիստերը:
Այսօրվա նիստն էլ բացառություն չէր: Սակայն ժողովրդահաճո ելույթների շարքում աչքի ընկավ հատկապես Հեղինե Բիշարյանի հերթական ելույթը, որը պոպուլիզմի գագաթնակետն էր, որը ոչ միայն չեր կառուցվում փաստարկների հիման վրա, այլև նման էր զառանցանքի:
Գաղտնիք չէ, որ ՕԵԿ խմբակցությունը ԱԺ-ում իր արհեստական ակտիվությամբ փորձում է պատկեր ստեղծել, թե իրենք գործ են անում ուստի և հիմք են ստեղծում քաղաքացիների քվեին արժանանալու համար: Հարց է առաջանում, թե Բիշարյանին և նրա համակուսակիցներին դա որքանով կհաջողվի: Համենայնդեպս, քաղաքացիների մեծամասնությունը տարբերում է բովանդակային հայտարարությունները պոպուլիստական ելույթներից:
