Թուրքիայում տուրիստական հոսքերը օրեցօր կտրուկ նվազում են։ Նախ, մի կողմից նախորդ ռարի ամռանը երկրում սկիզբ առած թուրք-քրդական դաժան բախումները, որոնք շարունակվում են առ այսօր և ավերակների են վերածել ամբողջ հարավ-արևելքը, և մյւոս կողմից թուրք-սիրիական սահմանին ռուսական ռազմական ինքնաթիռի խոցումը, որը կտրուկ նվազեցրեց թուրքական տուրիզմի թիվ մեկ սպառող ռուս քաղաքացիների հոսքն այս երկիր։ Այն, որ Թուրքիան տնտեսական ահռելի վնասներ է կրում համատարած ահաբեկչությունների և ռուսական շուկան կորցնելու արդյունքում դա շատ լավ է, բայց ես ուզում եմ մի շատ ցավալի բան նկատել այստեղ։
Ռուս-թուրքական հարաբերությունների սրումից հետո Անթալիան և թուրքերին շատ սիրող ռուս հասարակությունը մեկ մարդու պես, ազգային արժանապատվությունից ելնելով դադարեց իր հանգիստը կազմակերպել Թուրքիայում, որպիսզի ավելի պարզ լինի ասեմ, որ նախորդ տաևվա համեմատ Թուրքիա գնացած ռուս տուրիստների թիվը պակասել է, ուշադրություն, 80 տոկոսով։ Հիմա գանք մեր հասարակությանը, գաղտնիք չէ, որ մեր Քոբուլեթիից հետո, մեր հայերի հանգստի ամենանախընտրելի վայրը Թուրքիան է։ Չէ դուք տեսեք, ընդամենը մեկ խոցված ռուսական ինքնաթիռ և ամբողջ հասարակության մեջ արթնացած ազգային արժանապատվության զգացում, բայց ի հեճուկս սրան՝ մեկ ու կես միլիոն մորթված նախնիներ, «հայ» բառը որպես վիրավորանք ընկալող թուրքական հասարակություն ու հարյուր հազարավոր հայեր Անթալիայի ափերին արևայրուք ընդունելիս։
Եվ ամենազզվելին այն է, որ ռուսը Անթալիայում հանգստից իրեն զրկելից չգանգատվեց թե ներքին տուրիզմ է թանկ է, բա ուր գնամ հանգստանալու, ուղղակի մտածեց, որ խոցված ուղղաթիռն իր որպես ռուսի արժանապատվության վիրավորում է, իսկ ինքը իր արժանապատվությունը տրորողի երկրին օգուտ չի բերի՝ ի տարբերություն մեզ հայերիս։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել