168.am-ը գրում է.

Ղազախստանի Ազգային անվտանգության կոմիտեի կայքը հաղորդագրություն է տարածել այն մասին, որ հունիսի 5-ին Ակտոբե քաղաքում հարձակման բոլոր մասնակիցները ոչնչացվել ու ձերբակալվել են, նրանց մոտ գտնվող զենքն առգրավվել է:

Հակաահաբեկչական կենտրոնի հաղորդագրության համաձայն, որն այսօր տեղադրվել է Ղազախստանի Ազգային անվտանգության կոմիտեի կայքում, հաղորդվում է, որ հունիսի 5-ին մի խումբ անհայտ անձինք զինված հարձակում են իրականացրել զենքի երկու խանութի ու Ակտոբեի զորամասի վրա:

Քաղաքում հակաահաբեկչական օպերացիայի ռեժիմ էր սահմանվել, ինչի հետևանքով, ըստ Ղազախստանի ՆԳՆ-ի, ոչնչացվել էր 13 ենթադրյալ հանցագործ, մի քանի կասկածյալ ձերբակալվել էր, նվազագույնը 8 մարդու նկատմամբ հայտարարվել էր հետախուզում: Ղազախստանի նախագահ Նուրսուլթան Նազարբաևը Ակտոբեի հարձակումը անվանել էր ահաբեկչական ակտ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել