Մերձավոր Արևելքում ծավալվող իրողությունները, որոնք արդեն մի քանի տասնամյակ է հրահրվում և վերահսկվում են Արևմուտքի կողմից, խոսում են այն մասին որ տարածաշրջանում սահմանների վերձևումն անխուսափելի է։ Ի դեպ այդ սահամանների վերաձևման վտանգն առաջին հերթին ջարդվելու է հենց Թուրքիայի գլխին, որն ինքը գործուն մասնակցություն ուներ Արևմուտքի վարած այդ խաղում և մեծ ախորժակով սպասում էր իր հերթին իր սահմաններն ընդլայնելու համար։ Սակայն Էրդողանի վարչակարգի վարած ոչ կոռեկտ քաղաքականությունը Արևմուտքի նկատմամբ և ինքնուրույն արտաքին քաղաքականություն ունենալու ձգտումները կամ աշխարահաքաղաքակ կարևոր սուբյեկտ լինելու պատրանքները ստիպեցին վերանայել թե ԱՄՆ-ին, և թե ԵՄ-ին իր վերաբերմունքը այս երկրի նկատմամբ։Թուրքիայում ընթացող քաղաքացիական պատերազմը և այդ պատերազմի քրդական կողմը, որն ունի ԱՄՆ-ի ընդգծված աջակցությունը, ցույց է տալիս, որ քրդական հարցն այլևս է միջազգային քաղաքական օրակարգում է և ներկայիս Թուրքիայի տարածքում քրդական պետության ստեղծումը գնալով անպխուսափելի է դառնում։
Եթե տարիների առաջ քրդական գործոնը և քրդական պետություն ունենալու տեսլականը Թուրքիային ինչ-ինչ քայլեր պարտադրելու լծակ էր, ապա հիմա այն դադարել է լոկ ճնշում բանեցղնող գործիք լինելուց, քանի որ քրդերն այս պահին ԱՄՆ-ի համար ավելի վստահելի և հավատարիմ գործընկեր են։
Քրդական պետության ստեղծման գործընթացը կարող է միջազգային օրակարգ բերել նաև Սևրի պայմանագիրը և Հայկական հարցը, քանի որ սա դեռևս միակ միջազգային փաստաթուղթն է, որը կարգավորում էր Արևելյան հարցը։
Այսօր աշխարհաքաղաքական իրադրությունը Թուրքիայի շուրջ ավելի քան անբարենպաստ է, իսկ Թուրքիայի մասնատման հավանականությունը գնալով մեծանում է։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
