Բաղադրիչներ
- հավի փափկամիս - 2 հատ
- Մարինադի համար՝
- ջուր - 3 բաժակ
- դափնու տերև (лавровый лист) - 2-3 հատ
- շաքարավազ շագանակագույն - 2 ճ/գդ
- աղ - 2 ճ/գդ (խոշոր)
- պղպեղ սև հատիկավոր - 1 թ/գդ
- Ջնարակի համար՝
- սխտոր - 2 պճեղ
- մեղր - 2 ճ/գդ
- ձիթայուղ - 2 ճ/գդ
- պապրիկա - 1 ճ/գդ (քաղցր)
- սոյայի սոուս - 1 ճ/գդ
- պղպեղ սև - 1 թ/գդ
Պատրաստման եղանակ
- Չափաբաժինները` 4-6:
Հավի փափկամիսը լվանում ենք և 4 մասի կիսում։ - Պատրաստում ենք մարինադը, հավի միսը մարինադի մեջ ենք դնում, սննդային փաթեթով ծածկում և 1 օրով սառնարանը տեղափոխում։
- Ճզմած սխտորը, մեղրը, ձիթայուղը, պապրիկան, սոյայի սոուսը և աղացած սև պղպեղը խառնում ենք իրար և ջնարակ ենք պատրաստում։ Հավը մարինադից հանում ենք, հոսող սառը ջրի տակ լվանում ենք և անձեռոցիկով չորացնում։ Այնուհետև ջնարակը լցնում ենք հավի փափկամսի վրա և 2-3 ժամ թողնում ենք մարինացվի, որից հետո միսը ռուլետաձև փաթաթում ենք, թելով կապում և գիշերը սառնարանում թողնում։
- Տապակի մեջ փայլաթիթեղ ենք դնում և հավի փափկամիսը տեղափոխում տապակի մեջ։ Տապակը մոտ 1 ժամով տեղափոխում ենք մինչև 160 աստիճան տաքացրած ջեռոցի մեջ։ Ջեռոցից հանելուց 20 րոպե առաջ, ջեռոցի ջերմաստիճանը ավելացնում ենք մինչև 180 աստիճան։ Թխվելու ընթացքում, մոտ 35-40 րոպե հետո միսը ջեռոցից հանում ենք և տապակի մեջ հավաքված հյութը լցնում վրան։
Պատրաստի պաստրոման կարելի է մատուցել թե տաք, թե սառը վիճակում։ Պաստրոմա կարելի է պատրաստել նաև հնդկահավի մսից։ Ի դեպ, եթե հավի մսով ուտեստներ եք սիրում, ապա խորհուրդ ենք տալիս մեր հետևյալ բաղադրատոմսերը ևս փորձել:
Նյութի աղբյուր՝ http://www.cooks.am/%D5%BA%D5%A1%D5%BD%D5%BF%D6%80%D5%B8%D5%B4%D5%A1-%D5%B0%D5%A1%D5%BE%D5%AB-%D5%B4%D5%BD%D5%B8%D5%BE/
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել