ԱԺ-ում Ֆինանսավարկային և բյուջետային հարցերի մշտական հանձնաժողովի և Սոցիալական հարցերի մշտական հանձնաժողովի համատեղ նիստում քննարկվող ՀՀ 2015թ. բյուջեի կատարողական հաշվետվության ժամանակ ֆինանսների փոխնախարար, գլխավոր գանձապետ Ատոմ Ջանջուղազյանը հայտարարել է, որ 2014թ. համեմատ 2015 թ-ին 2 տոկոսով նվազել է աղքատությունը՝ 32%–ից դառնալով 30%։
Դե, հաշվի առնելով, որ տնտեսությունը որևէ էական դրական շարժ չի գրանցել, այդ 2%–ը, հավանաբար, պարզապես արտագաղթել է, դրա համար էլ ընդհանուր թիվը կրճատվել է։ Այնպես որ, ուրախանալու առիթ չկա...չի էլ կարող լինել, քանի որ 2.5 մլն բնակչություն ունեցող երկրի համար նույնիսկ 30% աղքատությունն արդեն իսկ ողբերգությունը է։
Հ.Գ.։ Ի դեպ, նկատե՞լ եք, որ փողոցում մուրացկանների թիվը զգալիորեն ավելացել է։ Այ, սա՛ պետք է աղքատության իրական մակարդակի ինդիկատոր լինի, այլ ոչ թե Ջանջուղազյանի հայտարարված թվերը, որոնք, ինչպես գիտենք, կարող են հեշտությամբ «ինչքան ուզեն, էնքան խփեն»։
