Tert.am–ը գրում է.
Gett միջազգային բջջային տաքսի ծառայությունը ռազմավարական համագործակցության համաձայնագիր է կնքել Volkswagen խմբի հետ` 300 մլն դոլարի ներդրում ստանալով ԱՄՆ-ում և Եվրոպայում ծառայության հետագա ընդլայնման համար:
Ինչպես հաղորդում է ТАСС գործակալությունը` Gett ծառայության մամլո հաղորդագրության մեջ նշվում է, որ համագործակցության շրջանակներում Volkswagen-ը բացառիկ պայմաններ է առաջարկել սեփական արտադրության մեքենաները ծառայության գործընկերներին տրամադրելու համար:
Գործարքի այլ կոմերցիոն պայմանների մասին ոչինչ չի հաղորդվում:
Gett տաքսի ծառայությունը, որն ստեղծվել է 2010 թվականին, թույլ է տալիս տաքսի պատվիրել և վճարում կատարել բջջային հեռախոսի միջոցով: Ներկայում Gett-ը հասանելի է աշխարհի ավելի քան 60 քաղաքներում, որից 10 մլն մարդ է օգտվում: Ընկերության տարեկան եկամուտը կազմում է շուրջ 500 մլն դոլար:
