Հայտնի է դարձել, որ օտարերկրյա սևամորթ քաղաքացիներից կազմված հանցավոր խմբի վերջին զոհը եղել է Գեւորգ Կ.-ն, որի վստահությունը չարաշահելով՝ սևամորթ հանցագործները նրանից խաբեությամբ վերցրել են 4.000 ԱՄՆ դոլար գումար:
Հիշեցնենք, որ Լիբերիայի 3 քաղաքացիներ՝ 38-ամյա Ջորջ Զ.-ն, 34-ամյա Ֆոստեր Գ.-ն եւ 36-ամյա Մարկ Դ.-ն, ովքեր Հայաստանում զբաղվել են խարդախությամբ, իրենց հետ հատուկ սեւ գույնի ներկած կեղծ դոլար են բերել և այստեղ գտնելով իրենց թիրախին՝ գործարք են առաջարկել, ապա որպես ներդրում այդ գումարը ցույց տվել՝ վստահեցնելով, թե հատուկ լուծույթով այն կարելի է մաքրել ու դարձնել իսկական դոլար:
Իրենց ասածը հիմնավորելու և կասկածները ցրելու համար նրանք մի քանի սեւ ներկած իսկական դոլար են մաքրել հատուկ լուծույթով` այդպիսով ձեռք բերելով վստահություն, սակայն հետո պատճառաբանել են, թե այդ լուծույթը վերջացել է ու նորը պետք է գնել մնացած սեւ գույնով ներկած կեղծ դոլարները մաքրելու համար. այսկերպ նրանք խաբեությամբ տարբեր մարդկանցից մեծ չափի գումարներ են շորթել ու անհետացել:
Ըստ ավելի վաղ տարածված տեղեկատվության՝ այսօր ոստիկանությունը Արմավիրի մարզի Թաիրով գյուղում ձերբակալել է Լիբերիայի քաղաքացիներ 38-ամյա Ջորջ Տոկոնջա Զաոզաոյին, 36-ամյա Մարկ Կպարդեհ Դոսեին, 34-ամյա Ֆոստեր Զաքրագեյին, Կոտ Դի Վուարի քաղաքացի 23-ամյա Մամադա Սանգարին և Նիգերի քաղաքացի 47-ամյա Նուգավոր Մայքլ Դոմբիրիին:
Լուսանկարն ու տեսանյութը՝ Գագիկ Շամշյանի: