Մարդուն ուղեղ է տրված խնդիրներ լուծելու, ոչ թե ինֆորմացիա պահելու համար

Մենք սխալվում ենք, եթե մտածում ենք, որ խելացին նա է, ով շատ բան գիտի: Ուղեղն ինֆորմացիա պահելու համար չէ. դա ապացուցվում է նաև այն հանգամանքով, որ մարդիկ պատմության ընթացքում ստեղծեցին ինֆորմացի պահպանելու այլ միջոցներ՝ գրքեր, դիսկեր, հիշողության քարտեր և այլն:
Իսկ խնդիր լուծող սարք ստեղծել չենք կարող, կամ, ավելի ճիշտ, այն նույն արդյունավետությամբ, ինչպես մարդ կարող է լուծել սոցիալական և անհատական խնդիրներ՝ հաշվի առնելով նաև զգացմունքներ, ապագայի պլաններ և այլն:

Այլ կերպ ասած, մենք մեր ուղեղը սխալ ենք օգտագործում, այն դարձնում ենք պահոց, մինչդեռ այն մեզ շրջապատող իրականությունն իմաստավորելու, հասկանալու և ծագող խնդիրները լուծելու մեխանիզմ է:

Սովորողները հարցերին պատասխանելու ընթացքում հաճախ ասում են՝ չեմ հիշում, մինչդեռ պետք չէ հիշել. ճիշտ կրթության պարագայում պատասխանները կառուցվում են, ոչ թե հիշվում:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել