Հետաքրքիր զարգացումներ թուրք - ամերիկյան հարաբերություններում:
Հայտնի է դարձել, որ ամերիկյան բարձրաստիճան մի հրամանատար, ով մայիսի 21-ին գաղտնի այցելել էր Սիրիայի հյուսիսային հատված ՝ անձամբ կարգավորելու և ցուցումներ տալու տեղական ուժային կառույցներին ԻՊ-ի դեմ պայքարում, անակընկալ այցով , նույնպես գաղտնի, ժամանել է Թուրքիա:
Ամերիկյան գեներալ Ջոզեֆ Վոթելը, ով ԱՄՆ Կենտրոնական հրամանատարության (CENTCOM) ղեկավարն է, Քոբանիում հանդիպել է ԱՄՆ ռազմական խորհրդականների հետ, ովքեր աշխատում են Սիրիայի Արաբական ռազմիկների ղեկավարների և Սիրիայի Ժողովրդավարական ուժերի (SDF), որը ներառում է ժողովրդական պաշտպանության բաժինները (YPG ) և Սիրիայի քրդական դեմոկրատական միություն կուսակցությունը(PYD), հետ:
Վոթելն անյուհետև անակընկալ այցով ժամանել է Թուրքիա՝ նպատակ ունենալով հանդիպել և բանակություններ վարել Գլխավոր շտաբի և արտաքին գործերի նախարարության ներկայացուցիչների հետ:
Վոթելի այցը տեղի է ունեցել մի ժամանակաշրջանում, երբ Անկարան կրկին կոչ է հնչեցրել ԱՄՆ-ին և նրա դաշնակից պետություններին այլեւս չաջակցել PYD-ին, որը կապված է Քրդական բանվորական կուսակցության (PKK) հետ :Սակայն Վաշինգտոնը շարունակում է տրամադրել օդուժ , զենք, զինամթերք PYD-ին և YPG-ին ՝ ասելով, որ նրանք վստահելի գործընկերներ են ԻՊ-ի դեմ պայքարում:
PKK-ն, որի հետ Թուրքիան 1980-ականների կեսերից սկսել է մղել զինված պայքար, Թուրքիայում , ԱՄՆ-ում և ԵՄ-ում համարվում է ահաբեկչական կառույց, իսկ Թուրքիան պնդում է, որ այս կառույցի հետ սերտ համագործակցում են PYD-ն և նրա ռազմական թև YPG-ն, սակայն Արևմուտքը համառորեն շարունակում է մերժել Թուրքիայի պնդումները՝ մերժելով նաև այս կառույցներին ընդունել իբրև լ հաբեկչական կառույցներ, ավելին, ԱՄՆ-ն շարունակում է զինել այդ կառույցներին:
Հայտնի է դարձել , որ Վոթելի Սիրիա այցի ժամանակ քննարկվել է ԱՄՆ-ից 200 ռազմական հրահանգիչների և 250 -ից ավելի հատուկ ուժայինների ժամանումը Սիրիայի հյուսիս:
ԱՄՆ-ն շեշտում է, որ քրդերը գերիշխող դեր ունեն Սիրիայի հյուսիս-արևելքում , որոը պետք է պահապնել, դեռ մի բան էլ ընդլայնել ազդեցության տարածքները:
ԱՄՆ-ի աջակցությունը վայելող Սիրաիայի ժողովրդական ուժերը ( SDF) ունեն մոտ 25,000 քուրդ զինյալներ և մոտ 5000 արաբ զինյալներ:
Վոթելի այցը Թուրքիա մասամբ ձախողվել է, քանի որ Անկարան կտրականապես մերժել է լ Վոթելի առաջարկը՝ հանգիստ թողնել Սիրիայի քրդերին:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել