Tert.am-ը գրում է.
«Մեծ յոթնյակում» (G7) մտադիր են արագացնել համաշխարհային տնտեսության աճը, համատեղելով մի քանի մեխանիզմներ և կառուցվածքային փոփոխություններ: Այդ մասին հայտարարել է Գերմանիայի ֆինանսների նախարար Վոլֆգանգ Շոյբլեն՝ Ճապոնիայի Սենդա քաղաքում G7-ի անդամ երկրների կենտրոնական բանկերի և ֆինանսների նախարարների հանդիպումից անմիջապես հետո:
Հանդիպման մասնակիցները եկել են միասնական եզրակացության, որ համաշխարհային տնտեսության վիճակը վերջին մի քանի ամիսների ընթացքում կայունացել է և անհանգստությունների կարիք չկա: Այդ պատճառով հանդիպման ընթացքում քննարկումները սուր չեն եղել, ինչպես սպասվում էին:
G7-ի ֆինանսների նախարարները համաձայնել են, որ պետական ծախսերի ճիշտ տնօրինումը դրական խթան է տնտեսության աճի համար: Շոյբլեն կոչ է անում համատեղ հետևել ֆինանսական շուկաների կայունացմանը, քանի որ տնտեսության բարեփոխումները միայնակ իրականացնելու դեպքում կարող են առաջանալ անցանկալի արդյունքներ:
Նյութի աղբյուր՝ http://www.tert.am/am/news/2016/05/21/stepanyan-street/2027424
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել