Tert.am-ը գրում է.
Մայիսի 11-ին ոստիկանության Աշտարակի բաժնում հաղորդում էր ստացվել Աշտարակ-Ապարան ճանապարհի Արտաշավան համայնքի տարածքում գտնվող արագաչափ սարքը հրազենով կրակելու միջոցով հետին կողմից վնասելու մասին:

Ոստիկանության ՔՀԳՎ, Արագածոտնի մարզային վարչության և Աշտարակի բաժնի ծառայողների ձեռնարկած համատեղ միջոցառումների շնորհիվ՝ մայիսի 20-ին բերման են ենթարկվել 1983 թ. ծնված Պարգև Գ.-ն և 1978 թ. ծնված Արմեն Հ.-ն:

Պարզվել է, որ մայիսի 9-ին, ժամը 3-ի սահմաններում, Արթուր Մ.-ն իր վարած «Նիսսան» ավտոմեքենայով Աշտարակ-Ապարան ճանապարհով երթևեկելիս, Արտաշավան համայնքի տարածքում գտնվող արագաչափ սարքի մոտ կանգ է առել, իսկ ուղևոր` Պարգև Գ.-ն իր անվամբ հաշվառված որսորդական հրացանով կրակել և վնասել է արագաչափ սարքը:

Հանցագործության գործիք հրացանն առգրավված է:
Կատարվում է նախաքննություն:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել