Սիրելի երիտասարդներ և ուսանողներ,
Այս տարի առաջին անգամ մայիսի 16-ը պետականորեն նշում ենք Երիտասարդության և ուսանողության օրը: Մայր բուհի՝ Երևանի պետական համալսարանի հիմնադրման օրը, ընդունվել է, որ պես տոնի պատմական ակունք:
Ընդունված է ասել, որ երիտասարդները մեր ապագան են: Սակայն դուք ապացուցեցիք, որ ոչ միայն ապագա եք, այլև ներկա:
Զինվոր և գիտնական, աշխատավոր և ուսանող, ձեռներեց և մշակ այսօրվա Հայաստանում ապրող, արարող, սիրահարվող և ընտանիք կազմող, սահման պահող և սահմաններ ճեղքող հարյուր հազարավոր երիտասարդներ մեզ և մեր երկրին են տալիս իրենք աշխատանքը, սերը, հայրենասիրությունը և կյանքը:
Շնորհավորում եմ ձեզ: Շարունակեք կառուցել այնպիսի Հայրենիք, որը պատվով կփոխանցեք ձեր զավակներին:
Նյութի աղբյուր՝ https://www.facebook.com/armen.ashotyan/posts/10209053145223936
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել