Իրանական «Էթթելաաթ-ե Ռուզ» պարբերականը, իսրայելական աղբյուրի վրա հղմամբ, տեղեկացրել է, որ ապրիլյան քառօրյա պատերազմի ընթացքում Բաքվի վարչակարգի Պաշտպանության նախարարության երկու ռազմական ինքնաթիռ թռիչք են իրականացրել դեպի իսրայելական «Ուվդա» ավիաբազա, որտեղ երկու ժամ մնալով, հետ են վերադարձել Բաքու:
Իրանական նույն լրատվամիջոցը նաև մատնանշել է, որ Բաքվի և Թել-Ավիվի վարչակարգերի միջև ձևավորվել է ռազմական յուրատեսակ դաշինք, որն ուղղված է նաև Իրանի դեմ, իսկ երկու երկրների այս ոլորտում համագործակցության շրջանակներում վերջին չորս տարիների ընթացքում Հրեական պետությունն Ադրբեջանին է վաճառել հինգ միլիարդ դոլարի սպառազինություն:
Հետաքրքիր է նաև նյութի վերնագիրը, որն ակնհայտորեն նպատակ ունի իրանական հասարակության մեջ խթանելու հակաադրբեջանական տրամադրություններ՝ «Իսրայելի օգնությունը Ադրբեջանին Հայաստանի հետ պատերազմում»:
